15 февруари 2026
• од Станча Јаќимовски
Сретение Господово е еден од големите христијански празници што се одбележува во четириесеттиот ден по Рождеството Христово. Овој ден го претставува свечениот момент кога Пресветата Богородица Го донела Младенецот Христос во ерусалимскиот храм за да Го посвети на Бога, според старозаветниот закон.
Според Мојсеевиот закон, секое првородено машко дете требало да биде посветено на Бога, а мајката да се очисти по породувањето (3 Мојсеева 12, 2–7). Иако Христос како Син Божји и Законодавец не бил обврзан со овие прописи, сепак, од смирение и за да се исполни Законот, Пресветата Дева го извршила пропишаниот обред. На тој начин се нагласува дека Христос не дојде да го укине Законот, туку да го исполни.
Во храмот тогаш служел првосвештеникот Захарија, таткото на Свети Јован Предвесник. Тој ја поставил Богородица на местото за девојки, а не на она за жени, со што симболично ја потврдил нејзината девственост и чистота.
Во храмот се случила значајна духовна средба. Таму се наоѓал праведниот старец Симеон, кому, според преданието, му било ветено од Светиот Дух дека нема да умре додека не Го види Месијата. Кога Го зел Младенецот во своите раце, изговорил пророчки зборови:
„Сега отпушти го Твојот слуга, Господи, зашто очите мои го видоа спасението Твое.“
Со овие зборови Симеон ја исповедал верата дека во Христос се остварува спасението на светот. Тој исто така прорекол дека Христос ќе биде „за паѓање и подигање на мнозина во Израилот“, укажувајќи на поделбите што ќе настанат поради Неговото учење.
Покрај Симеон, во храмот се наоѓала и пророчицата Ана, ќерката Фануилова. Таа целиот свој живот го посветила на пост и молитва во храмот. Препознавајќи Го Месијата, Ана Му заблагодарила на Бога и им објавила на присутните дека пристигнал Долгоочекуваниот Спасител.
Но не сите ја прифатиле оваа радосна вест. Некои од фарисеите, вознемирени од настаните во храмот, се разгневиле на Захарија поради тоа што ја поставил Богородица меѓу девојките. Тие го известиле царот Ирод, кој веќе бил вознемирен од веста за раѓањето на „Новиот Цар“, за кого зборувале ѕвездогледците од Исток.
Стравувајќи за својата власт, Ирод наредил да се убие Детето. Сепак, според Божја промисла, Светото Семејство навреме го напуштило Ерусалим и, по упатство на ангел Господов, се упатило кон Египет.
Сретение Господово се празнувало уште од раните векови на христијанството. Особено свечен карактер добил во 544 година, во времето на византискиот цар Јустинијан, кога празникот бил официјално востановен како голема црковна свеченост.
Сретение не е само спомен на историски настан, туку симбол на средбата меѓу човекот и Бога, меѓу Стариот и Новиот Завет, меѓу очекувањето и исполнувањето на ветувањето. Овој празник ги повикува верниците на духовна подготвеност – за секој човек да може, како Симеон, да Го препознае Христос во својот живот.
Еден од само 50 Maserati Grecale Tributo Il Bruciato е во сопственост на Бугарка
Бугарското собрание го ратификуваше Договорот за железничкиот тунел на Коридор 8
Ненадминливи Понуди Дневно
4.8 (10276 рецензии)
Заштедете 152.00 ден

