Делегација од Кочани на фестивалот „Сурва“ во Перник, Бугариjа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Делегација од Кочани на фестивалот „Сурва“ во Перник, Бугариjа

18 јануари 2026

• од Станча Јаќимовски

Делегација од Општина Кочани присуствуваше на XXXII Меѓународен фестивал на маскарадните игри „Сурва“, кој се одржа во Перник, Република Бугарија. Овој реномиран културен настан годинава одбележа 60 години од своето постоење и се вбројува меѓу најголемите и најпрепознатливи фестивали од ваков вид во регионот.

Во рамки на фестивалската програма, градоначалникот на Кочани, Владко Грозданов, оствари средби со претставници на локални самоуправи и културни институции од повеќе држави, меѓу кои и домаќинот Општина Перник. На средбите беа разменети мислења и идеи за унапредување на меѓународната соработка, размена на искуства и реализација на заеднички проекти во областа на културата и туризмот.

„Фестивалот ‘Сурва’ е одличен пример како традицијата и културата можат да бидат мост за поврзување меѓу народите, за градење нови партнерства и пријателства кои во иднина можат да резултираат со конкретни соработки и проекти“, изјави градоначалникот Грозданов.

Посетата уште еднаш ја потврди отвореноста и гостопримството со кое македонските делегации традиционално се пречекуваат во Бугарија, како и значењето на културната дипломатија како европска вредност. Во тој контекст, дел од соговорниците укажаа дека принципот на реципроцитет и еднаков третман е клучен за вистинско добрососедство и европски стандарди, со очекување дека ваквата пракса ќе се унапредува во сите насоки.