BULGARIA 2025: НАТО и Бугарија покажаа единство и сила во справувањето со кризи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

BULGARIA 2025: НАТО и Бугарија покажаа единство и сила во справувањето со кризи

13 септември 2025

• од Гоце Кически

Од 7 до 12 септември 2025 година, во градот Монтана, Бугарија, се одржа цивилната вежба „BULGARIA 2025“, коорганизирана од Евроатлантскиот центар за координација на одговор при катастрофи на НАТО (EADRCC) и Министерството за внатрешни работи на Бугарија.

Вежбата беше свечено отворена од Заменик-генералниот секретар на НАТО, Радмила Шекеринска, и бугарскиот министер за внатрешни работи, Даниел Митов. Присуството на Шекеринска, како прва Македонка на толку висока позиција во НАТО, ја потврди нејзината долгогодишна посветеност на евроатлантските интеграции и безбедноста на регионот.

Во вежбата учествуваа над илјада претставници од 28 земји-членки на НАТО, 18 партнерски држави и 14 цивилни и воени организации. Оваа соработка претставува јасен доказ дека заедно, Алијансата и партнерите можат ефикасно да ја гарантираат безбедноста на граѓаните при природни катастрофи, технолошки инциденти или терористички закани.

Со повеќе од 100 специјализирани возила – медицински хеликоптери, амбулантни возила, спасувачки чамци и уникатни мобилни системи за итни интервенции – беа симулирани повеќе сценарија. Благодарение на заедничката работа на војници, научници и спасувачи, беа „спасени“ 140 жртви во различни кризни ситуации.

Истовремено, во Софија се одвиваше стратешки дел за носителите на одлуки, кој се фокусираше на граѓанско-воена координација, справување со дезинформации, подготовка за нови безбедносни предизвици и користење на иновативни технологии.

„BULGARIA 2025“ ја зајакна регионалната соработка и ја потврди улогата на Бугарија како сигурен и одговорен домаќин во НАТО семејството. За Македонија, пак, значи потсетување дека нашето членство не е само формално, туку конкретно придонесува за заедничката безбедност и стабилност.

Лидерството на Шекеринска, нејзината доследност во евроатлантската агенда и блиската соработка со соседна Бугарија се потврда дека иднината на Балканот е во НАТО и во градење доверба меѓу пријателски држави.