31 јануари 2026
• од Станча Јаќимовски
Бугарската политичарка Марија Габриел е избрана за заменик-генерален директор на УНЕСКО, јавуваат бугарските медиуми. Таа ќе биде задолжена за ресорот „комуникации и информации“, што се смета за една од клучните области во работата на организацијата.
Габриел официјално ќе ја преземе функцијата на 1 март 2026 година. Нејзината кандидатура доби силна поддршка од техничката влада предводена од Росен Желјазков, која ја оцени како значаен дипломатски успех за Бугарија.
Во моментов, Марија Габриел е на чело на Институтот „Робер Шуман“, а во изминатите години беше активна и на европската и меѓународната политичка сцена. По неуспехот на ротационата влада меѓу ГЕРБ и ПП-ДБ, во која премиерската функција беше поделена меѓу Николај Денков и самата Габриел, таа се обиде да добие високи меѓународни позиции.
Габриел се кандидираше за заменик-генерален секретар на НАТО, но таа функција ѝ припадна на поранешната министерка за одбрана на Северна Македонија, Радмила Шекеринска. Подоцна, таа не беше избрана ниту за заменик-претседател на ЕНП.
И покрај тие неуспеси, изборот на Габриел за висока функција во УНЕСКО се смета за значајно меѓународно признание и нов чекор во нејзината политичка и дипломатска кариера.
Не Бугарија, не Брисел – туку Мицкоски: вистинската причина за застојот кон ЕУ
Ненадминливи Понуди Дневно
4.8 (10276 рецензии)
Заштедете 152.00 ден

