Бугарското собрание го ратификуваше Договорот за железничкиот тунел на Коридор 8

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарското собрание го ратификуваше Договорот за железничкиот тунел на Коридор 8

13 февруари 2026

• од Станча Јаќимовски

Денес Народното собрание на Република Бугарија го ратификуваше Договорот меѓу Македонија и Бугарија за изградба на меѓуграничен железнички тунел на Коридорот 8, со што се заокружи законската постапка за негово стапување во сила. Претходно, во декември, Договорот беше ратификуван и во Собрание на Република Северна Македонија, што значи дека се исполнети сите формално-правни предуслови за реализација на овој стратешки инфраструктурен проект.

Со ратификацијата се отвора патот за доизградба на железничкото поврзување меѓу Скопје и Софија, со понатамошна конекција кон Бургас, што претставува клучна алка во воспоставувањето на целосно функционален источен крак на Паневропскиот транспортен Коридор 8. Овој коридор има значајна улога во регионалната интеграција, економската размена и унапредувањето на трговските текови меѓу земјите од Југоисточна Европа.

Договорот беше потпишан на 6 ноември со заменик-претседателот на Владата на Бугарија, Гроздан Караџов, и претставува конкретен чекор кон продлабочување на економската соработка и зајакнување на меѓусебната доверба меѓу двете држави и двата народа. Изградбата на тунелот не е само инфраструктурен зафат, туку и симбол на стратешко партнерство и долгорочна визија за поврзан Балкан.

Покрај економската димензија, Коридорот 8 има и изразено безбедносно значење. Тој се смета за коридор од висок интерес за НАТО и за стратешките партнери на Македонија, особено во контекст на зголемена мобилност, логистичка поврзаност и стабилност во регионот.