Бугарскиот јазик меѓу најбараните на Универзитетот во Илиноис, САД

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарскиот јазик меѓу најбараните на Универзитетот во Илиноис, САД

15 ноември 2025

• од Станча Јаќимовски

Бугарскиот јазик веќе се вбројува меѓу трите најбарани јазици во Одделот за словенски јазици и книжевности при Универзитетот во Илиноис. Ова го соопшти генералниот конзул на Бугарија во Чикаго, Светослав Станков, истакнувајќи го успешниот почеток на пилот-програмата по бугаристика.

Според него, интересот кон програмата расте со забрзано темпо: уште во првиот семестар се запишале 11 студенти, што претставува сериозен успех за еден нов академски курс. Студентите доаѓаат од различни факултети и академски области, што го поттикнува интердисциплинарниот пристап и го јакне присуството на бугаристиката во американската универзитетска средина.

„Некој би рекол дека е среќа, но – според Сенека – ’Среќата е кога подготовката ќе се сретне со можноста’. Запишаните студенти од различни програми ја прават бугаристиката уште повлијателна и видлива на кампусот,“ изјави Станков.

Голем придонес за успехот на програмата имаат неуморната работа на д-р Илијана Иванова, како и професионализмот на професорите Дејвид Купер и Џон Рандолф. Благодарение на нив, програмата станува динамична, привлечна и содржајна платформа за изучување на бугарски јазик, култура и историја.

Официјалната презентација на програмата „Бугаристика“ е закажана за 3 декември, во рамките на свечен прием организиран од Центарот за руски, источноевропски и евроазиски студии (REEEC) при Универзитетот во Илиноис.

„Горди сме што Бугарија го наоѓа своето заслужено место меѓу водечките академски програми во САД,“ додаде Станков.