Бугарски поларници пронајдоа остатоци од аргентински авион што се урнал пред 50 години

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарски поларници пронајдоа остатоци од аргентински авион што се урнал пред 50 години

06 март 2026

• од Станча Јаќимовски

Бугарски поларници, учесници во 34-тата антарктичка експедиција, на островот Ливингстон открија остатоци од авион што се урнал пред точно 50 години. Пронајдените делови од леталото им биле предадени на аргентинската морнарица, која со почести го пречекала научно-истражувачкиот брод „Св. Св. Кирил и Методиј“.

Бугарските антарктички истражувачи се првите што ги пронашле остатоците од оваа тешка авионска несреќа, во која загинале повеќе научници, воени лица и истражувачи на ледениот континент.

Остатоците се пронајдени на релативно големо растојание од местото каде што се претпоставувало дека се случила несреќата. Се смета дека деловите подоцна биле исфрлени на брегот од морските бранови. На нив се забележуваат траги од електролитна корозија, предизвикана од долгото изложување на солена морска вода.

Меѓутоа, делови што биле откриени пред две години — исто така од бугарски научници — во подножјето на блискиот глечер Чарити укажуваат дека аргентинскиот авион најверојатно се урнал на северната падина на врвот Методиј.

Според истражувачите, денот кога се случила несреќата во јануари пред половина век веројатно не се разликувал многу од денешните услови. Врвовите на планинскиот масив Фризленд биле обвиени со ниски облаци, што се покажало кобно за аргентинскиот авион „Локхид“.

Во леталото се наоѓале 11 членови на екипажот – научници и глациолози – кои имале задача да утврдат колку студот ги замрзнал морските води околу Антарктикот и да ја одредат најбезбедната маршрута за ледокршачот „Генерал Сан Мартин“.

Доколку експертизата го потврди ова откритие, можно е дел од пронајдените остатоци да припаѓаат и на хеликоптерот кој бил испратен во потрага по првиот авион. Но и тој, според претпоставките, се урнал во близина, при што неговиот екипаж трагично го загубил животот.