Бугарија набавува крајбрежен противбродски ракетен систем од САД

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија набавува крајбрежен противбродски ракетен систем од САД

21 јануари 2026

• од Гоце Кически

Владата на Бугарија денес одобри нов значаен чекор во модернизацијата на вооружените сили, со проект за набавка на крајбрежен противбродски ракетен систем од Соединетите Американски Држави и договор со Италија за заедничка изградба на инфраструктура за распоредување на мултинационалната борбена група на НАТО.

Информацијата ја соопшти министерот за одбрана во оставка Атанас Запрјанов по седницата на Министерскиот совет. Според него, инвестицискиот проект вклучува два договори – еден за испорака на ракетниот систем во вредност од 205 милиони американски долари и втор за систем за командување и управување, вреден нешто повеќе од 3 милиони долари.

По денешната одлука, проектот ќе биде доставен на одобрување во бугарското Народно собрание, по што Министерството за одбрана ќе ги потпише договорите. Тие ќе се реализираат по моделот „влада со влада“, при што главните плаќања се планирани за периодот 2029–2030 година, а рокот за целосна реализација е до 2030 година.

Со оваа одлука започнува уште еден проект за модернизација на Бугарската армија, надвор од рамката на проектот ESAFE и со целосно национално финансирање. Проектот е дел од инвестициската програма за превооружување и од Програмата за развој на одбранбените способности до 2032 година (Програма 2032). Запрјанов потсети дека минатата недела беше даден старт и на проектот за набавка на противмински бродови од Белгија и Холандија.

Покрај тоа, Министерскиот совет го одобри и договорот меѓу владите на Бугарија и Италија, потпишан пред Божиќ со италијанскиот министер за одбрана Гвидо Крозето. Со договорот се предвидува заедничка изградба на објекти за распоредување на мултинационалната борбена група на НАТО, која моментално е стационирана во реонот на полигонот Ново село.

Новото постројување ќе биде во регионот на Кабиле и ќе се реализира во две фази – најпрво за привремено, а потоа и за постојано распоредување на борбената група. Италијанската страна ќе учествува и во изградбата на привремената инфраструктура.

Запрјанов нагласи дека овој модел, сличен на постојните договори со САД за заеднички објекти како „Ново село“ и воздухопловната база Граф Игнатиево, овозможува со ограничени средства да се постигнат подобри резултати преку оптимална распределба на обврските меѓу земјата-домаќин и рамковата држава на НАТО-групата.

Паралелно со овие проекти, Бугарија бележи и напредок во регионалните воени рангирања, при што ја надмина Србија според неколку меѓународни индекси за воена моќ. За 2026 година, според најавите, се очекува уште подобра позиција на Бугарија во однос на вкупните одбранбени капацитети и интероперабилноста со сојузниците од НАТО.