Бугарија на мапата на европската финтек индустрија: ITF ја засилува позицијата со две нови аквизиции

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија на мапата на европската финтек индустрија: ITF ја засилува позицијата со две нови аквизиции

31 јули 2025

• од Станча Јаќимовски

Бугарската финтек компанија ITF, позната по својот бренд SmileCredit, направи важен и позитивен чекор за развој на дигиталните финансии во регионот – ја објави аквизицијата на две домашни иновативни компании: Clear и FinViz Technologies.

Оваа стратегиска зделка има за цел да го засили присуството на ITF на полето на потрошувачкото кредитирање, но и да внесе нова енергија во онлајн финансирањето на бизниси – сектор кој забрзано расте и игра сè поважна улога за малите и средни претпријатија.

Иако финансиските детали од зделката не се јавно објавени, резултатите на ITF зборуваат гласно: само во 2024 година, компанијата обезбедила финансирање од речиси 52 милиони лева, а портфолиото пораснало на 30 милиони. Приходите за последните три години се зголемени над 4 пати, достигнувајќи 26,3 милиони лева, додека нето-профитот скокнал над 17 пати, на 3,6 милиони лева – ставајќи ја ITF во топ 5 најуспешни онлајн кредитори во Бугарија.

ITF котира на BEAM пазарот на Бугарската берза и досега има собрано над 31 милион лева од капиталниот пазар, што ја прави единствената финтек компанија во земјата која се финансира претежно на овој начин – јасен показател за довербата на инвеститорите и стабилноста на нејзиниот бизнис модел.

Clear, основана во 2015 година, е првата бугарска peer-to-peer lending платформа, преку која се финансирани околу 4.000 заеми во вредност од 50 милиони лева, а активните инвеститори се околу 2.000.

FinViz Technologies развива целосно дигитализирани решенија за бизнис кредити насочени кон микро и мали компании, со можност за лесна интеграција во SaaS платформи, онлајн продавници и платежни системи – токму она што им е потребно на модерните претпријатија.

Двете компании имаат заеднички ко-основач, Луик Ле Пишу, поранешен извршен директор на BNP Paribas Personal Finance – име со силно присуство во финансиската индустрија.

Од ITF посочуваат дека оваа аквизиција ќе им овозможи да навлезат во нови пазарни сегменти, вклучително и потрошувачко кредитирање за клиенти со повисок кредитен профил, како и дигитално финансирање за микро, мали и средни претпријатија.

По финализирањето на сите формални чекори, ITF ќе стекне мажоритарен удел во Clear и миноритарен удел во FinViz Technologies, со опција за дополнително зголемување на учеството.

Овој потег претставува голем позитивен импулс за бугарската финтек индустрија, покажувајќи дека иновациите, дигитализацијата и паметното финансирање се патот кон одржлив економски развој.