Бугарија ќе дава до 5000 евра за враќање на свои државјани од странство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија ќе дава до 5000 евра за враќање на свои државјани од странство

18 јули 2025

• од Станча Јаќимовски

Со цел да се справи со сериозниот недостиг на работна сила, бугарската држава ќе нуди финансиска помош до 5000 евра на бугарски државјани кои сакаат да се вратат од странство и да живеат и работат во Бугарија. Помошта е дел од програмата на Министерството за труд и социјална политика „Избирам Бугарија“.

Според проценките, на бугарската економија ѝ недостасуваат околу 260.000 работници, поради што државата подготви пакет стимулативни мерки. Вкупниот буџет за програмата изнесува 66,5 милиони лева.

Кој може да аплицира?

Целната група се:

Бугари што живеат во странство,
лица со бугарско потекло,
граѓани на трети земји со право на пристап до бугарскиот пазар на труд.

Што вклучува помошта?

🔹 До 5000 лева за транспорт и пренос на покуќнина при враќање од земја во ЕУ,
🔹 До 10.000 лева при враќање од трета земја,
🔹 Надомест за сместување, доколку лицето нема сопствено живеалиште,
🔹 Дневна надомест за транспорт од 2 до 7 лева, ако работното место е во друго населено место,
🔹 Дополнителна плата:
– 30% од шест просечни плати ако се задржи на работа повеќе од 6 месеци,
– 50% ако остане повеќе од 12 месеци.

Исто така, ќе има обуки по бугарски јазик, а програмата вклучува и национален информативен портал со податоци за легално живеење, осигурување, лични документи, училишта и други важни информации.

Помош и за оние што се селат во мали градови

Дополнителни 40 милиони лева се одвоени за луѓе што ќе се преселат и ќе работат во градови со помалку од 50.000 жители. И тука се предвидени истите финансиски поддршки – транспорт, сместување, надомест за транспорт и дополнителни плати.

Во случај лицето да не може да најде работа, државата ќе нуди и субвенционирано вработување.

Кој може да учествува?

Целната група се невработени, неактивни и лица кои бараат работа, кои во последните 18 месеци најмалку 12 месеци живееле или студирале во странство. Сите потребни документи ќе бидат објавени на веб-страницата на Агенцијата за вработување, каде ќе се врши и аплицирањето.

Операцијата е дел од Програмата за развој на човечките ресурси, а пријавувањето треба да започне во есен 2025 година.