Бугарија и Италија ќе градат заеднички објекти во воениот реон „Кабиле“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија и Италија ќе градат заеднички објекти во воениот реон „Кабиле“

24 декември 2025

• од Станча Јаќимовски

Бугарија и Италија ќе соработуваат во изградбата на заеднички објекти во воениот реон „Кабиле“. Спогодбата беше потпишана во базата „Безмер“ од страна на бугарскиот министер за одбрана Атанас Запрјанов и неговиот италијански колега Гуидо Крозето.

Двајцата министри истакнаа дека со овој договор официјално започнува процесот на изградба на заедничка инфраструктура на територијата на воениот реон „Кабиле“. Во наредниот период ќе бидат изработени дополнителни технички договори и анекси, со цел целосна имплементација на спогодбата.

Од 2022 година Италија ја командува борбената група на НАТО во Бугарија, формирана по почетокот на војната во Украина. Плановите предвидуваат, доколку е потребно, во „Кабиле“ да бидат распоредени над 3.000 војници за заштита на источниот крилo на Алијансата.

За проектот за изградба се зборува веќе речиси една година. Од Министерството за одбрана нагласуваат дека станува збор исклучиво за објекти за сместување, обука и спорт, без предвидување за складирање борбена муниција или опасни материјали.

Воениот реон „Кабиле“ се наоѓа во близина на воениот аеродром „Безмер“ и цивилниот аеродром „Сарафово“, како и во непосредна близина на полигонот „Ново село“, што ја зголемува неговата стратешка важност.

За време на летната посета на Бугарија, претседателот на Воениот комитет на НАТО, адмирал Џузепе Каво Драгоне, ја оцени позитивно улогата на мултинационалната борбена група. Од друга страна, Русија ја оцени изградбата на ваква база како чекор кон милитаризација на источниот фланг на НАТО.