Белата куќа призна: Трамп е силно разочаран и од Украина и од Русија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Белата куќа призна: Трамп е силно разочаран и од Украина и од Русија

12 декември 2025

• од Станча Јаќимовски

Претседателот на САД, Доналд Трамп, е исклучително разочаран од двете страни во конфликтот во Украина – и од Киев и од Москва. Ова го изјави портпаролката на Белата куќа, Каролин Ливит, на брифинг за медиумите, пренесува Би-Би-Си.

Според Ливит, американскиот претседател е уморен од дипломатски средби кои не носат конкретни резултати. „Трамп е уморен од состаноци само заради состаноци. Тој повеќе не сака разговори, туку дејствија. Неговата цел е да се стави крај на оваа војна“, нагласи таа.

Ливит откри дека администрацијата на претседателот на САД поминала повеќе од 30 часа само во последните две недели во средби и разговори со претставници на Русија, Украина и европските партнери, во обид да се најде решение за конфликтот.

Нејзината изјава доаѓа во контекст на најавената средба што треба да се одржи на 13 декември во Париз, на која ќе учествуваат претставници на Украина, Франција, Германија, Велика Британија и САД. На состанокот се очекува да се разговара за можностите за мирно решавање на конфликтот.

Според информациите на порталот Axios, на средбата ќе бидат разгледани нови предлози од Киев, особено во врска со територијалното прашање.

„Специјалниот пратеник на претседателот на САД, Стив Виткоф, и неговиот тим во моментов ги продолжуваат преговорите со двете страни. Доколку постои реална можност за потпишување мировен договор и доколку процениме дека овие средби го заслужуваат времето на американски претставник, ќе испратиме наш претставник“, изјави Ливит, одговарајќи на прашањето дали Вашингтон ќе има свое присуство на состанокот во Париз.

Изјавите од Белата куќа укажуваат на растечко незадоволство во Вашингтон од досегашниот тек на преговорите и на зголемен притисок за конкретни чекори што би довеле до прекин на војната во Украина.