Хаос и очај во македонскиот фудбал: Скандал на мечот Шкендија Арачиново

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Хаос и очај во македонскиот фудбал: Скандал на мечот Шкендија Арачиново – Охрид

01 септември 2025

• од Станча Јаќимовски

Македонскиот фудбал уште еднаш падна на најниските гранки. Наместо спорт и фер-плеј, натпреварот меѓу Шкендија Арачиново и Охрид Лихнидос во Втората лига се претвори во хорор сцени кои повеќе личат на уличен линч отколку на официјален спортски настан.

Иако домаќинот славеше со 2-1, тоа е најмалку важно. Она што ќе остане запаметено е атмосферата на хаос, закани, пиротехника, навреди и напад врз фудбалер – слика што испраќа порака на беззаконие и безнадежност за целото општество.

„Селски фудбал“ и закани по живот

Од Охрид јавно сведочат за услови недостојни за професионален спорт. Гостопримството завршило уште во петтата минута, кога Охрид поведе. Тогаш започнале навреди, закани и хаотично дивеење на управата, обезбедувањето и „неидентификувани лица“ на самиот терен.

Тренерот на гостите добивал директни закани на само неколку метри од клупата, додека делегатот – кој требаше да обезбеди ред – молчел. Црвениот картон за Гоце Толески завршил со негово исфрлање од стадионот, при што обезбедувањето го малтретирало и не му дозволило ни да се преоблече.

Пиротехника, предмети и една топка за цело полувреме

Сликата на хаосот се надополнила со фактот дека целиот втор дел се играло буквално со една топка – останатите „чудесно“ исчезнале. Капитенот на Охрид кога реагирал кај делегатот, добил циничен одговор: „Играте и ќутете“.

Публиката непрекинато фрлала пиротехнички средства и разни предмети на теренот, директно кон играчите. За вакви појави во нормални држави постојат строги казни и суспензии, но кај нас – молк.

Македонски фудбал во бездна

Ова не е само спортски скандал, ова е уште една црна дамка за Македонија. Додека во Европа се инвестира во спорт, инфраструктура и безбедност, кај нас се случуваат сцени што наликуваат на некој заборавен балкански циркус.

Со вакви услови, со вакво насилство и „организација“ пониска и од најслабите аматерски лиги, македонскиот фудбал нема иднина. Останува само очајот дека ништо не се менува, дека институциите молчат, а спортот умира во насилство и безредие.

Македонија повторно е сведок на сопствениот срам – и на спортскиот терен, и надвор од него.