Дореана Христова бара дипломатски протести против српското влијание

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ПОЛИТИКА

Дореана Христова бара дипломатски протести против српското влијание

26 септември 2025

• од Гоце Кически

Македонската научничка и активистка Дореана Христова, доктор на науки од Универзитетот во Париз, излезе со јавен повик за организирање протести со дипломатска содржина од името на целата опозиција во Северна Македонија. Во објава на социјалните мрежи таа остро се спротивставува на, како што вели, „наметнатата српска дискриминација и политичките притисоци што ја загрозуваат македонската државност и граѓанските права“.

Христова во своето обраќање посочува повеќе теми за кои бара реакција од јавноста и меѓународната заедница. Таа предупредува на дискриминација врз македонските Бугари и на политичко влијание кое, според неа, довело до серија инциденти низ државата. Во објавата се тврди дека изборите во мај 2024 година биле фалсификувани со гласање од страна на српски и босански државјани во име на македонски граѓани, како и дека треба да се спречат идни нерегуларности.

Таа го споменува и „дивјачкиот грабеж“ на оградата од вилата „Билјана“ во Охрид, што го припишува на српскиот министер Ивица Дачиќ, кој воедно има влијание и врз српската армија. Според Христова, неопходно е преиспитување на политичките договори и кредитните аранжмани склучени со посредство на српската и унгарската власт, а особено договорот за полициска соработка меѓу Македонија и Србија.

Христова бара и забрана на дејствувањето на ВМРО-ДПМНЕ во сегашната форма, нарекувајќи ја „фалсификувана партија“ која продолжува со политиките на Никола Груевски, како и укинување на регистрираната српска напредна странка во Македонија. Според неа, преку овие структури Србија наводно повторно се обидува да влијае врз гласањето во земјата.

Христова реагира и на чествувањето на српскиот празник Свети Сава на државно ниво, кое го смета за асимилациски потег, а како посебно загрижувачко го издвојува, како што вели, напредувањето на српско-унгарската алијанса чија цел е да се блокира развојот на европскиот транспортен коридор 8.

Во завршниот дел од своето обраќање таа директно апелира до Европската Унија, НАТО, ОБСЕ и Обединетите нации да застанат зад Северна Македонија и да помогнат во, како што го нарекува, „македонскиот исчекор кон стабилност и европска иднина“.