20 октомври 2025
• од Станча Јаќимовски
Минималните трошоци за живот на едно четиричлено семејство во октомври бележат нов пораст, покажуваат најновите податоци на Сојузот на синдикатите на Македонија (ССМ). Според пресметките, вредноста на синдикалната минимална кошничка изнесува 65.544 денари, што е за 467 денари повеќе во споредба со септември, кога таа изнесуваше 65.077 денари.
Најголем дел од зголемувањето се должи на растот на трошоците за храна и пијалоци, кои во октомври достигнаа 23.772 денари, односно повисоки за 378 денари од претходниот месец.
Покрај тоа, доколку во пресметката се вклучи и изнајмување стан со површина од 60 квадратни метри, вкупната вредност на кошницата достигнува 80.919 денари, што дополнително ја отсликува финансиската тежина со која се соочуваат македонските домаќинства.
ССМ редовно ја објавува синдикалната минимална кошничка со цел да укаже на реалните животни трошоци и да ја потенцира потребата од зголемување на платите во согласност со растечките цени на основните животни производи и услуги.
Ненадминливи Понуди Дневно
4.8 (10276 рецензии)
Заштедете 152.00 ден