Жерновски: ЕУ предупредува на руско и српско влијание врз Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Жерновски: ЕУ предупредува на руско и српско влијание врз Македонија

11 март 2026

• од Станча Јаќимовски

Членот на Извршниот одбор на СДСМ, Андреј Жерновски, на прес-конференција предупреди дека Европската унија испраќа јасни пораки до Македонија за опасностите од странски влијанија, особено од Русија и други надворешни актери, кои според него можат да го попречат европскиот пат на државата.

Жерновски се повика на изјава од еврокомесарката за проширување Марта Кос, која порача дека земјите кандидати мора да бидат отпорни на „токсично влијание“ и дека Европската унија нема да дозволи „тројански коњи“ во своите редови. Според него, оваа порака директно се однесува и на Македонија.

„Граѓаните мора да знаат дека ова предупредување се однесува на нашата земја. Токсично е влијанието од Русија, од Кина, како и од политички структури поврзани со српската власт“, изјави Жерновски.

Тој посочи и на извештајот на известувачот за Македонија во Европскиот парламент, Томас Вајц, во кој, како што рече, се констатира дека нема значителен напредок во владеењето на правото, правосудните реформи и борбата против корупцијата. Во извештајот, според Жерновски, се нотира и назадување во состојбата со медиумите.

Според него, Македонија моментално има блокиран пат кон Европската унија, за што ја обвини актуелната влада дека намерно создава конфликти и нови политички спорови, особено со соседите, наместо да се фокусира на европските интеграции.

Жерновски во своето обраќање тврдеше и дека во земјата се појавуваат политички структури со проруски позиции, како и дека постојат контакти со организации блиски до Кремљ. Тој оцени дека ваквите процеси се веќе забележани и во европските извештаи и изјави на претставници на ЕУ.

Во контекст на медиумската сцена, Жерновски посочи дека значителен дел од медиумите се под влијание на политички структури, поврзувајќи го тоа со мрежи блиски до унгарскиот премиер Виктор Орбан.

Тој се осврна и на економските прашања, споменувајќи ја кредитната линија од една милијарда евра, за која посочи дека е поврзана со задолжување на Унгарија кон Кина во ист износ, што според него не може да биде случајност и е внимателно следено од институциите во Брисел.

Жерновски истакна дека додека други земји од регионот, како Албанија и Црна Гора, напредуваат во процесот на европска интеграција, Македонија останува на дното.

„Сега е вистинскиот момент да го искористиме расположението во Европската унија за проширување, но владата не сака да го направи тоа“, рече тој.

Тој се повика и на анкети според кои околу 70 проценти од граѓаните ја поддржуваат интеграцијата на Македонија во ЕУ.

Во завршницата од обраќањето, Жерновски нагласи дека, според него, вистински патриотизам е интеграцијата на државата во евроатлантските структури, додека изолацијата и блокирањето на европската перспектива ја доведуваат во прашање иднината на земјата.

„Нашата борба ќе продолжи сè додека Македонија не стане членка на Европската унија“, порача Жерновски.