Завршија Зимските олимписки игри: Македонија без забележителен резултат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Завршија Зимските олимписки игри: Македонија без забележителен резултат

24 февруари 2026

• од Станча Јаќимовски

Италија, а особено Милано и Кортина, беа домаќини на 25. Зимски олимписки игри кои завршија со свечена церемонија во Верона. Отворањето беше спектакуларно, затворањето исто така, а фрлена е ракавицата кон следниот домаќин – Франција.

На спортски план, најуспешна нација беше Норвешка со 41 медал. Следуваа Соединети Американски Држави со 33 и домаќинот Италија со 30 одличја. Вкупно 29 земји се враќаат дома со медал – доказ дека системот, инвестициите и стратегијата носат резултат.

Македонија: живи и здрави – и повторно без резултат

Македонската експедиција се враќа без повреди. За жал, тоа веќе 28 години е нашиот единствен константен „успех“ како самостојна држава на Зимските олимписки игри.

Во Милано и Кортина отпатувавме во најброен состав досега – четворица спортисти. Но, најдобриот пласман беше 55. место. Во две дисциплини бевме меѓу последните пет кои финишираа, во една – меѓу последните 30, а и 55-тото место беше во последната група натпреварувачи.

Од Меѓународен олимписки комитет беше соопштено дека учествуваме со исполнета норма. Но, ако се анализираат резултатите, тешко може да се заклучи дека станува збор за вистинска резултатска норма, туку повеќе за квотна позиција.

Индивидуална анализа: стагнација наместо напредок

Нашиот најголем адут, Јана Атанасовска, настапи под силен притисок и не успеа да заврши ниту една трка. Останавме без реална проценка дали има олимписки капацитет или тоа е рамката на нашето моментално ниво.

Ставре Јада (трет настап) и Ана Цветановска (втор настап) веќе имаат олимписко искуство. Токму затоа, оправдано е прашањето: како е можно да нема напредок во пласманите, туку дури и регресија во однос на претходните Игри?

Виктор Петков ги заврши двете трки и го освои 55. место. Резултатот не е импресивен, но ако се земе предвид дека на Олимпијада замина во период од 5 до 12 без специфични подготовки, неговиот настап може да се гледа како потенцијална инвестиција во иднината – доколку биде системски поддржан.

„Важно е да се учествува“ – најпогубната формула

Олимпискиот настап е достигнување при првото учество. Но на следните Игри, спортската логика бара резултат. Максимата „Важно е да се учествува“ не може да биде стратегија, особено кога на Олимпијада настапуваат и земји без снежна традиција – токму поради инклузивниот дух на олимпизмот.

Клучната разлика е меѓу:

резултатска норма (квалитативен стандард)
квотна норма (континентална или развојна распределба)

Ако се применуваше исклучиво резултатска норма, во дел од дисциплините каде што настапивме, други земји ќе ги пополнеа местата со значително подобри времиња.

Историски пресек: осум Олимпијади, еднаш Топ 30

На осум Зимски олимписки игри како независна држава:

Само еднаш сме биле во Топ 30 – Антонио Ристевски (29. место, слалом, Зимски олимписки игри Сочи 2014).
Двапати сме биле во Топ 40.
Сите останати пласмани се блиску до дното.

Ова не е инцидент. Ова е систем.

Регионална споредба: бројките не лажат

Регионалната слика е јасна:

Словенија – 28 медали (6 златни)
Хрватска – 11 медали (4 златни)
Бугарија – 8 медали
Србија и Грција немаат зимски медали, но се силни на Летните игри.
Албанија моментално има сериозен скијачки потенцијал.

Македонија има два медала на Летни олимписки игри (таеквондо и борење), но зимската приказна останува хроника на учества без резултат.

Клучни прашања без одговор

Имаме ли долгорочна стратегија?
Колку вложуваме во зимски спортови?
Дали обезбедуваме услови за подготовка?
Зошто бројот на учесници расте, а резултатите опаѓаат?
Колку лица броеше делегацијата?
Дали таа бројка беше оправдана?

Ако не можеме да вложуваме во инфраструктура, тогаш барем најдобрите спортисти мора да добијат целосна финансиска и логистичка поддршка да тренираат во странство и да се натпреваруваат во системи каде што конкуренцијата ги издигнува.