Затвор или хотел? Пандов откри: Осуденик ја чини државата 1.000 евра месечно!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Затвор или хотел? Пандов откри: Осуденик ја чини државата 1.000 евра месечно!

21 октомври 2025

• од Станча Јаќимовски

Еден осуденик месечно ја чини државата околу 1.000 евра, изјави директорот на Управата за извршување на санкции, Александар Пандов, нагласувајќи дека затворскиот систем троши значителни ресурси, додека алтернативните мерки, како што е пробацијата, не се користат доволно.

Потребна е поголема примена на пробациските мерки

Во моментов, над 900 лица во Македонија се под пробациски мерки, а системот има можност да опфати уште многу повеќе, беше истакнато на работниот состанок на тема „Пробација и условен отпуст“, кој денеска се одржа во Академијата за судии и јавни обвинители „Павел Шатев“ во Скопје.

Пандов потсети дека пробацијата постои веќе шест години, но се применува ретко, иако би можела да ја растовари државата и финансиски и логистички.

„Има многу поголем капацитет и многу почесто и подолги треба да бидат тие условни отпусти. Бројките покажуваат дека низ македонските судови има 430 осудени лица со А третман и околу 330 со Б2 третман. Најголем дел од нив можат да бидат на условен отпуст, нормално, со препорака од секторот за ресоцијализација и директорите на затворите“, изјави Пандов.

„Како во хотел се однесуваат“

Осврнувајќи се на финансискиот товар што го носи секој затвореник, Пандов истакна дека државата издвојува околу 1.000 евра месечно по лице, средства што вклучуваат храна, сместување, здравствена заштита и ангажман на персонал.

„Одат таму како во хотел се однесуваат, ги храниме, ги чуваме. Земаат човечки ресурси – од ресоцијализација, од затворската полиција...“, рече тој, укажувајќи дека системот може поефикасно да се користи преку зголемена примена на условен отпуст и пробација.

Над 100 прекини на пробацијата поради непочитување

Пандов посочи дека соработката со невладините организации во спроведување на пробациските мерки е активна, а мерките се следат според тежината и видот на делото – од домашно насилство до злоупотреба на наркотични средства. Тој информираше дека досега има повеќе од 100 барања за прекин на пробацијата, најчесто поради непочитување на препораките од страна на осудените лица.

Ресоцијализацијата – клучна цел на казнениот систем

Претседателот на Судскиот совет, Александар Камбовски, ја нагласи важноста на ресоцијализацијата и рехабилитацијата на сторителите.

„Целта на казнувањето не е секогаш казната сама по себе, туку и ресоцијализацијата и рехабилитацијата на сторителите на кривични дела. Условниот отпуст игра доста важна улога во таа насока“, рече Камбовски.