Венко Филипче: Сребреница – вечна опомена за опасноста од омраза и поделби

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Венко Филипче: Сребреница – вечна опомена за опасноста од омраза и поделби

12 јули 2025

• од Станча Јаќимовски

Претседателот на СДСМ, Венко Филипче, упати порака по повод годишнината од геноцидот во Сребреница, со која оддаде почит на жртвите и подвлече дека ова злосторство засекогаш ќе остане опомена за човештвото.

„Во јули 1995 година, над 8.000 невини луѓе беа убиени во Сребреница, во еден од најголемите геноциди во историјата на Европа по Втората светска војна,“ рече Филипче.

Тој истакна дека ова злосторство против човештвото не само што го потресе светот, туку ги разниша и темелите на човечкото достоинство. Според него, геноцидот во Сребреница ќе остане врежан во колективното сеќавање како еден од најмрачните моменти во историјата, потсетник на ужасите на војната и на опасноста што произлегува од екстремен национализам.

„Слободниот и демократски свет има обврска засекогаш да го осудува ваквиот облик на насилство и омраза,“ истакна Филипче.

Тој упати и апел за иднината – да се негува сеќавањето, да се осудуваат омразата и насилството, и да се гради општество во кое ќе владее соживот, почит и безбедност за сите.

„Да оддадеме почит кон жртвите, да се сеќаваме и никогаш да не дозволиме ваков геноцид да се повтори. Да ги осудиме сите форми на насилство и нетолеранција, и да градиме свет во кој луѓето ќе живеат без страв од омраза и поделби,“ порача Филипче.