Венко Филипче: Економската политика на Владата на ВМРО-ДПМНЕ е најлоша во историјата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Венко Филипче: Економската политика на Владата на ВМРО-ДПМНЕ е најлоша во историјата

27 август 2025

• од Гоце Кически

По 15 месеци власт на ВМРО-ДПМНЕ, економската политика на оваа влада може да се оцени како „најлошата во историјата“, изјави денеска претседателот на СДСМ, д-р Венко Филипче.

На прес-конференција во Скопје, тој обвини дека власта наместо да вложува во мерки за поддршка на граѓаните, буџетските средства ги насочува кон лични и партиски интереси.

„Десетици милиони евра се буквално украдени од граѓаните преку непреземање мерки за цените, преку непокачување на платите, преку растот на нееднаквоста и сиромаштијата. Тоа е свесна и намерна политика на оваа власт,“ рече Филипче.

Лидерот на СДСМ посочи дека за разлика од ВМРО-ДПМНЕ, неговата партија имала и сè уште има подобри економски политики во интерес на граѓаните. „Ако нешто може со сигурност да го кажам, тоа е дека СДСМ имаше и сè уште има далеку подобри економски политики насочени кон граѓаните, со грижа за стандардот и со јасна цел – економија што им служи на граѓаните,“ додаде тој.

Филипче потенцираше дека СДСМ нема да отстапи од веќе предложените решенија во Собранието за справување со инфлацијата и заштита на животниот стандард.

„Нема да отстапиме од нашата борба и од нашите предлози. Раст на платите во сите сектори, зголемување на минималната плата на најмалку 500 евра, укинување на ДДВ за основните прехранбени производи – тоа се мерки кои веќе ги предложивме, но владејачкото мнозинство не ги поддржа. Ќе продолжиме и понатаму да ги поднесуваме и да се бориме за достоинствен живот и подобар стандард на граѓаните,“ порача претседателот на СДСМ.