Уставни измени во Казахстан добија зелено светло од Муцунски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Уставни измени во Казахстан добија зелено светло од Муцунски

23 февруари 2026

• од Гоце Кически

Во време кога уставните прашања ја одредуваат геополитичката и европската судбина на државите, интересна — да не речеме симптоматична — е позицијата на Северна Македонија. Додека официјално се поздравуваат уставните реформи во Казахстан, дома темата за уставни измени за европската интеграција останува заглавена во политички кал.

На средбата меѓу амбасадорот на Казахстан во Северна Македонија, Сатибалди Буршаков, и министерот за надворешни работи и надворешна трговија Тимчо Муцунски, фокусот формално беше ставен на билатералната агенда и продлабочувањето на соработката. Сепак, најсилниот политички сигнал произлезе од разговорите за уставните реформи во Казахстан.

Амбасадорот Буршаков го информираше министерот за претстојниот национален референдум на 15 март за усвојување на новиот Устав на Казахстан, нагласувајќи дека реформите имаат за цел модернизација на политичкиот систем, порамномерна распределба на власта и зајакнување на демократските институции. Според него, новиот Основен закон треба да ја продлабочи заштитата на човековите права и учеството на граѓаните во управувањето.

Муцунски, пак, позитивно ги оцени реформите, изразувајќи надеж дека тие ќе создадат „цврста правна основа за градење праведна држава заснована на владеење на правото“.

Уставна принципиелност — селективна?

Токму тука се отвора суштинското прашање: колку е принципиелна уставната реторика на Скопје?

Имено, додека македонската дипломатија без задршка аплаудира на уставни измени во Казахстан — држава која не се соочува со европски условувања — дома уставните измени поврзани со европската интеграција со години се третираат како политички „жешки компири“. Контрастот е очигледен.

Ако уставните реформи се вредност сами по себе кога станува збор за демократизација и владеење на правото, тогаш логично се поставува прашањето зошто истата енергија не се гледа кога станува збор за уставните измени што би го отклучиле македонскиот европски пат.

Муцунски формално ја задржува дипломатската линија, но политичката перцепција е поинаква: лесно е да се поздравуваат туѓи уставни процеси кога тие не носат домашна политичка цена. Малку потешко — барем судејќи по динамиката во зем јава— е да се води истата уставна храброст кога влогот е членството во ЕУ.

Остатокот од агендата

На средбата беа разгледани и билатералните односи, со акцент на имплементацијата на договорите од средбите на претседателите и министрите за надворешни работи во 2025 година. Соговорниците дискутираа за проширување на правната рамка и за перспективите на трговско-економската соработка.

Посебно внимание беше посветено на потребата од поинтензивни директни контакти меѓу бизнис-заедниците, при што беше нагласена улогата на Меѓународната трговска комора на Казахстан и Стопанската комора на Северна Македонија.

Но, колку и да е важна економската дипломатија, уставната симболика од оваа средба веројатно ќе одекнува подолго — особено дома, каде што уставот останува најтешката политичка равенка.