Трошоците за живот во октомври повисоки за 467 денари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трошоците за живот во октомври повисоки за 467 денари

21 октомври 2025

• од Станча Јаќимовски

Во октомври 2025 година, потрошувачката кошничка за едно четиричлено семејство изнесува 65.544 денари, покажуваат податоците на Сојузот на синдикатите на Македонија (ССМ). Тоа претставува зголемување од 467 денари во однос на септември, што уште еднаш ја потврдува тенденцијата на постојан раст на животните трошоци.

Минималната плата не го покрива ниту трошокот за храна

Според пресметките на ССМ, за набавка на основните прехранбени производи едно семејство месечно издвојува речиси 24.000 денари — износ кој е приближно една цела минимална плата.
Синдикатот наведува дека околу 100 евра од семејниот буџет одат за подмирување на режиските трошоци, а исто толку и за рекреација и посета на културни настани.

Граѓаните: храната станува луксуз

Анкетирани граѓани сведочат дека голем дел од производите кои некогаш биле секојдневие, денес се недостижни:

„Месото станува луксуз, млечните производи — кашкавал, тоа е невидено зголемување, и тоа неколку пати.“
„Да излеземе сите на протест како во Франција, можеби тогаш нешто ќе се промени.“
„Сè е поскапо, кафето го зголемија па го поскапија, си играат со нас.“

Дополнителни трошоци за здравство, хигиена и услуги

Во анализата на синдикатот се наведува дека за здравствени прегледи и набавка на неопходни лекови се потребни околу 1.200 денари месечно. Средствата за лична и домашна хигиена чинат приближно 2.500 денари, додека ресторанските услуги надминуваат 4.000 денари.

Превоз и образование – нови финансиски удари

Трошоците за јавен превоз за едно четиричлено семејство во октомври достигнале над 4.000 денари. Сепак, во овие пресметки не е вклучен превозот со автомобил или такси.
Почетокот на академската година дополнително ги зголеми издатоците — на студентите им биле потребни над 7.000 денари за старт на студиите.

Киријата ги крева трошоците над 80.000 денари

ССМ нагласува дека во оваа потрошувачка кошничка не е вклучена ратата за станбен кредит или кирија. Доколку тие се додадат, вкупната сума за месечните трошоци достигнува над 81.000 денари — износ што за многу семејства претставува недостижен луксуз.