Тренчевска: СДСМ не е против „Сејф сити“, но бара јасен надзор и заштита од злоупотреби

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тренчевска: СДСМ не е против „Сејф сити“, но бара јасен надзор и заштита од злоупотреби

20 јануари 2026

• од Гоце Кически

Потпретседателката на Социјалдемократски сојуз на Македонија и пратеничка Јована Тренчевска изјави дека СДСМ не се спротивставува на воведувањето ред и унапредување на безбедноста во сообраќајот преку системот „Сејф сити“, но дека партијата има сериозни забелешки во однос на заштитата на личните податоци, надзорот и можните злоупотреби.

Во гостување во емисијата 360 степени, Тренчевска нагласи дека клучната загриженост на СДСМ произлегува од отсуството на јасен и прецизен механизам за контрола и надзор над функционирањето на системот.

„Надзорот над целиот овој систем на ‘Сејф сити’ го нема во законот и тоа е едно прашање за коешто мора да се разговара. Мора да има механизам за надзор и контрола. Вака како што е поставен системот, не знаеме кој контролира, не знаеме дали ќе има злоупотреби. Кој го храни софтверот, кој го храни компјутерот – човечки фактор на крајот на денот“, истакна Тренчевска.

Таа додаде дека постои и сериозна загриженост од аспект на можна политичка злоупотреба на системот, особено имајќи го предвид начинот на владеење на ВМРО-ДПМНЕ.

Според СДСМ, воведувањето на вакви технолошки системи мора да биде проследено со силни институционални гаранции, транспарентност и независен надзор, со цел да се спречат злоупотреби и да се заштитат правата и приватноста на граѓаните.