Тренчевска: Институциите мора да обезбедат заштита и превенција од насилство врз жените

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тренчевска: Институциите мора да обезбедат заштита и превенција од насилство врз жените

18 септември 2025

• од Станча Јаќимовски

Пратеничката од СДСМ, Јована Тренчевска, денеска на прес-конференција во Собранието порача дека жените не смеат да живеат во страв и побара навремена и ефикасна реакција од сите надлежни институции за заштита и спречување на насилството.

Во име на Клубот на жени пратенички, Тренчевска истакна дека групата едногласно ги поддржала измените на Кривичниот законик, со кои за првпат фемицидот се препознава и третира како кривично дело.

„Бараме од институциите да ги преземат сите мерки за заштита на жртвите и превенција на фемицидот. Судските органи мора да ги применуваат одредбите од Истанбулската конвенција и усогласените измени во Кривичниот законик“, рече Тренчевска.

Нејзината изјава доаѓа по последното двојно убиство во Велес, како и по зачестените случаи на насилство врз жени во државата.

„Фемицидот е најтежок облик на насилство врз жените, само затоа што се жени. Жените мора да се чувствуваат безбедно и сигурно, а тоа е должност на сите институции“, додаде таа.

Тренчевска нагласи дека насилството врз жените мора да биде јавно осудено и институционално санкционирано.

„Ние, жените од парламентот, остро и едногласно ги осудуваме случаите на свирепо насилство и фемицид. Нашата реакција е јасна – бараме ефикасна превенција и заштита, за да ставиме крај на овој опасен феномен“, изјави таа.

Со ова, СДСМ уште еднаш го нагласи ставот дека борбата против насилството врз жените е приоритет и потреба која бара заедничка акција од сите општествени и институционални структури.