Тошковски: Среде Вардариште живеат 200 луѓе, дел од нив го потпалуваат отпадот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тошковски: Среде Вардариште живеат 200 луѓе, дел од нив го потпалуваат отпадот

15 септември 2025

• од Станча Јаќимовски

Министерот за внатрешни работи Панче Тошковски изјави дека зад честите пожари на дивата депонија Вардариште не стојат „странски центри“, туку дека проблемот е локален и таложен со години. Според него, на депонијата моментално живеат околу 200 луѓе, а индициите укажуваат дека мал дел од нив намерно потпалуваат отпад.

„Среде депонија живеат над 200 луѓе. Страшно е од секој аспект, страшно е. Индициите се дека потпалувањата се сторени од мал дел од тие луѓе. Не можеме да го ограничиме правото на пристап на тие луѓе во Вардариште. Овој проблем е таложен со години и не може да се реши за една недела“, истакна Тошковски.

Потребна е дислокација и систематски пристап

Министерот потенцира дека единствено трајно решение е дислокација на луѓето што живеат во Вардариште и целосно расчистување на просторот. Тој нагласи дека отпадот мора да се префрли на друга локација, а теренот да се ослободи од ризиците што со години го загрозуваат здравјето на граѓаните.

„Тие луѓе треба да бидат дислоцирани, местото да се исчисти, отпадот да се однесе на друга локација“, додаде министерот.

Пожарите – проблем од 2020 година

Тошковски потсети дека пожарите на Вардариште не се нова појава, туку дека се повторуваат од 2020 година. Затоа, според него, потребен е посистематски и долгорочен пристап за конечно решавање на оваа еколошка и безбедносна закана.