Тошковски: Ако е дозволено 50 км/ч, „Безбеден град“ ќе евидентира прекршок на 57 км/ч

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тошковски: Ако е дозволено 50 км/ч, „Безбеден град“ ќе евидентира прекршок на 57 км/ч

25 декември 2025

• од Станча Јаќимовски

Системот „Безбеден град“ (Safe City) ќе применува исти толеранции за пречекорување на брзината како и постојните полициски радари, информираше министерот за внатрешни работи Панче Тошковски.

Тоа значи дека при дозволена брзина од 50 километри на час, системот ќе регистрира прекршок дури при 57 км/ч. Толеранцијата изнесува 6 км/ч за брзини до 100 км/ч, 8 км/ч за брзини над 100 км/ч и 12 км/ч за брзини над 200 км/ч.

Министерот појасни дека оваа толеранција важи исклучиво за сообраќајни прекршоци и не се применува во случаи кога е сторено кривично дело поврзано со сообраќајот.

Во рамки на системот „Безбеден град“ ќе се обработуваат и службени возила, но само во случаи кога тие не се во оправдана оперативна употреба. Како што истакна Тошковски, возилата на Итната медицинска помош, противпожарните служби, Министерството за внатрешни работи и Министерството за одбрана нема да бидат дел од системот додека извршуваат службени задачи што ја оправдуваат зголемената брзина.

„Кога службените возила дејствуваат во рамки на своите оперативни ангажмани, тие нема да бидат опфатени. Но, доколку нивните активности не ја оправдуваат високата брзина, ќе следи санкција. Системот ќе изрекува глоба само кога станува збор за неправилно управување со моторно возило надвор од реалните потреби на институциите“, изјави министерот.

Со воведувањето на „Безбеден град“, надлежните очекуваат поголема дисциплина во сообраќајот и зголемена безбедност за сите учесници на патиштата.