Тешко проодни патишта кон Тетово, Гостивар, Охрид и Дебар поради обилни снежни врнежи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тешко проодни патишта кон Тетово, Гостивар, Охрид и Дебар поради обилни снежни врнежи

03 јануари 2026

• од Станча Јаќимовски

Центарот за управување со кризи (ЦУК) рано утрово информираше дека поради интензивни снежни врнежи и нагло влошување на временските услови, повеќе патни правци во земјата се тешко проодни, особено во западниот дел.

Како критични се посочуваат патиштата Скопје – Тетово, Тетово – Гостивар, Маврово – Дебар, Кичево – Охрид, како и правецот Козјак – Скопје. Дополнително, отежнато одвивање на сообраќајот е забележано и на повеќе регионални патишта во западните региони.

На единствениот број за итни случаи 112 пријавени се повеќе случаи на заглавени возила, како и едно излетување од коловозот. Надлежните служби се на терен и работат на расчистување и обезбедување на патиштата, но условите и понатаму се неповолни.

ЦУК апелира до граѓаните да бидат особено внимателни при движење, да ја приспособат брзината на условите на патот, да ги следат препораките на надлежните институции и задолжително да користат соодветна зимска опрема.

Поради снежна покривка на коловозот, Авто-мото сојузот на Македонија од 21:00 часот на 2 јануари 2026 година воведе задолжителна употреба на ланци за снег за сите возила на патниот правец Лисец – Попова Шапка. Мерката е донесена поради стрмните делници и острите кривини на превојот, каде непочитувањето на сообраќајните правила често доведува до блокади и застои.

Од надлежните институции најавуваат засилени полициски контроли, особено во услови на зголемена фреквенција на возила за време на празничниот период, со цел да се обезбеди поголема безбедност за сите учесници во сообраќајот.