Тешка сообраќајна несреќа во Челопек: Автомобил заврши во Вардар, повредени неколку лица
Попладнево се случи сериозна сообраќајна несреќа во тетовското село Челопек, кога патничко возило излета од коловозот и заврши во реката Вардар што минува покрај селото.
Според информации од очевидци, возилото изгубило контрола во една од кривините и со голема брзина излетало од патот, при што паднало во реката. Во автомобилот во моментот на несреќата имало неколку патници.
Жителите на селото веднаш реагирале и ја алармирале службата за итна помош, која за кратко време пристигнала на местото на несреќата заедно со екипи за спасување.
Благодарение на брзата интервенција, сите лица биле извлечени од возилото и пренесени во Клиничката болница во Тетово. Според првичните информации, патниците се здобиле со полесни телесни повреди и се надвор од животна опасност.
Полицијата изврши увид на местото на настанот и работи на утврдување на причините за несреќата.
Истрагата е во тек.