Тешка ноќ во Битола: Фрлена бомба пред дом на полициски службеник и запален негов дуќан

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тешка ноќ во Битола: Фрлена бомба пред дом на полициски службеник и запален негов дуќан

12 јули 2025

• од Станча Јаќимовски

Битола се разбуди утрово во шок и страв откако синоќа во градот се случија две сериозни инциденти со можен мотив на закана или одмазда. Најпрвин, нешто по 2 часот по полноќ, беше фрлена експлозивна направа на улицата „Охридска“, пред домот на полициски службеник кој претходно бил предмет на истрага, дознава Инфомакс од извори блиски на истрагата.

Според официјалниот билтен на Министерството за внатрешни работи, од експлозијата биле оштетени дури седум патнички возила од марките „Волксваген“, „БМВ“, „Тојота“, „Киа“, „Рено“, „Матиз“ и „Тико“, сите со битолски регистарски таблички, како и прозорци и врати на неколку околни куќи. Засега нема информации за повредени лица.

Увид на местото извршила екипа на СВР Битола во присуство на јавен обвинител, а во тек се истражни мерки за целосно расчистување на случајот.

Само еден час подоцна, околу 3:17 часот, нов инцидент ја потресе Битола. На улицата „Борис Бастерот“ избувнал пожар во барака што ја користел истиот полициски службеник како дуќан под кирија. Пожарот, кој предизвикал сериозна материјална штета, зафатил и четири возила — три „Рено“ автомобили (две со битолски, едно со скопски таблички) и еден „Цитроен“.

Благодарение на брзата интервенција на Територијалната противпожарна единица Битола, пожарот бил навремено локализиран, а за среќа нема повредени. Увидот и во овој случај го извршила увидната екипа на СВР Битола.

Иако МВР сè уште официјално не го поврзува инцидентот со конкретно лице, според информации до кои дојде Инфомакс, и двете дејствија — фрлената експлозивна направа и подметнатиот пожар — биле насочени кон ист полициски службеник, што отвора сериозни сомнежи за мотивирана закана или напад.

Јавноста очекува итно расветлување на инцидентите и санкционирање на сторителите, а локалните жители се загрижени за нивната безбедност поради сериозноста на нападите.

Прашај го ChatGPT