Таткото на Андреј Стојанов: Стравуваме дека случајот „Пулс“ ќе заврши како Ласкарци и Беса Транс

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Таткото на Андреј Стојанов: Стравуваме дека случајот „Пулс“ ќе заврши како Ласкарци и Беса Транс

19 ноември 2025

• од Станча Јаќимовски

Родителите на загинатите млади во трагичниот пожар во дискотеката „Пулс“ во Кочани изразуваат длабока загриженост дека и овој случај може да заврши без вистинска правда, како што, според нив, се случило со случаите „Ласкарци“, „Беса Транс“ и „Модуларната болница“.

На денешното прво судско рочиште, таткото на трагично настраданиот Андреј Стојанов упати огорчени и емотивни зборови, посочувајќи дека семејствата се чувствуваат оставени, заборавени и изложени на манипулации.

„Наидуваме на скептицизам и игри кои ја продлабочуваат нашата болка“

Стојанов истакна дека уште на почетокот на постапката родителите почувствувале недоверба и притисок поради, како што кажа, „разработена шема“ од страна на одбраната и обвинетите.

„На самиот старт на судското рочиште наидуваме на голем скептицизам и разработена игра на претставници на адвокати и обвинети кои на разни можни начини манипулираат, за нашата болка уште повеќе да ја продлабочат. Ние сме направени како фигури, а бидејќи нашите деца ги нема – како да сакаат и нас да не снема, за да нема кој да оди на нивните гробови,“ рече тој.

Тој остро реагираше и на изјавите на дел од адвокатите кои најавуваат долготрајни процедури.

„Ме чуди со која свест адвокатите се ситат и земаат крвави пари, а гордо велат дека судењето ќе трае 15–20 години. За нас и 15 дена или 15 месеци се премногу. Веќе осум месеци поминаа. Се чувствуваме изманипулирани и стравуваме дека ова ќе стане уште еден случај како ‘Ласкарци’, трагедијата со автобусот во Бугарија или модуларната болница.“

„Ова е најважниот испит за државата“

Стојанов потсети дека родителите имале средби со премиерот и со министерот за внатрешни работи, кои им ветиле дека случајот ќе биде третираниот најстрого поради тежината на пропустите и трагедијата.

„Ни беше кажано дека случајот во Кочани е врв на сите криминали и лоши настани. Дека мора да се направи рез, затоа што ако не се направи, не треба да нè има како држава,“ додаде тој.

Според родителите, овој процес ќе биде тест за институциите и нивната способност да обезбедат правда.