Таравари: Времето ќе покаже дали враќањето на Груби е договорено

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Таравари: Времето ќе покаже дали враќањето на Груби е договорено

28 февруари 2026

• од Станча Јаќимовски

Арбен Таравари смета дека враќањето на Артан Груби во земјава нема да предизвика политички потрес, нагласувајќи дека најважно е тој да се појави пред судските органи и да се соочи со процесот.

Во изјава за емисијата „Трилинг“, Таравари посочи дека не верува оти враќањето на Груби ќе донесе некакви спектакуларни случувања на политичката сцена. Тој направи паралела со поранешниот функционер Сашо Мијалков, истакнувајќи дека е коинциденција што на ист датум, по неколку години, се враќаат двајца поранешни високи функционери.

„Не верувам дека враќањето на Груби би било некаков потрес. Добро е што се јави во судот и обвинителството и се надевам дека ќе има транспарентен и правичен судски процес“, изјави Таравари, одговарајќи на прашањето дали неговото враќање може да ја дестабилизира политичката состојба во Македонија.

Според него, секој што згрешил пред законот мора да понесе одговорност.

„Не очекувам некакви спектакли. Лошо е кога луѓето бегаат од правдата, а во исто време можно е да излезеш невин. Но ако е виновен треба да одговара и точка“, нагласи Таравари.

Осврнувајќи се на шпекулациите за евентуален договор меѓу Груби, ДУИ и актуелната власт, Таравари порача дека не сака да навлегува во конспиративни сценарија.

„Битно е дека г-дин Груби ќе се појави во судскиот процес и треба да одговара или да ја докаже својата невиност. Не би сакал да влегувам во конспирации дали е договорено, дали позади неговото доаѓање стојат некои центри на моќ или некои политичари во Македонија. Времето ќе покаже. Јас велам дека добро е што се врати“, истакна Таравари.

Тој изрази зачуденост и поради фактот што по 14 месеци бегство од државата, Обвинителството, дел од МВР и АНБ доставиле извештај дека Груби не е безбеден во затворски услови, по што му бил одреден домашен притвор.

Таравари заклучи дека институциите треба да обезбедат фер и транспарентен процес, со цел јавноста да добие јасен одговор за случајот.