Стојанче Јовановски се смееше во судница, па заплака откако беше прочитано обвинението

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Стојанче Јовановски се смееше во судница, па заплака откако беше прочитано обвинението

30 март 2026

• од Станча Јаќимовски

Во Основниот кривичен суд во Скопје денеска започна судскиот процес против Стојанче Јовановски, кој се товари за повеќе кривични дела поврзани со трагичниот настан што ја потресе јавноста.

Обвинетиот седна на обвинителната клупа во присуство на судијата Ивица Стефановски, додека обвинителството ги изложуваше деталите од случајот. Според обвинението, Јовановски се товари дека ја навел на самоубиство својата сопруга Ивана Јовановска, која во тој период се обидувала да се разведе од него. Настанот завршил трагично, кога таа заедно со нивната шестгодишна ќерка Катја го загубиле животот по пад од тераса во скопската населба Тафталиџе на 2 март годинава.

За време на рочиштето, присутните забележаа дека Јовановски во еден момент се смееше додека обвинителката го читаше обвинението, особено деловите кои се однесуваат на наводното малтретирање на неговата сопруга. Набрзо потоа, неговото однесување се промени и тој започна да плаче.

Во своето излагање, обвинетиот изјави дека не разбира зошто е обвинет за делото „наведување на самоубиство“. Сепак, тој призна вина за другите две кривични дела што му се ставаат на товар – „телесна повреда“ и „загрозување на сигурноста“.

Судијата Стефановски дополнително му го прочита диспозитивот на обвинението за „наведување на самоубиство“, по што Јовановски изјави дека сега ја разбира основата на обвинението, но дека не се чувствува виновен за тоа дело.

Судењето продолжува во наредниот период, кога ќе бидат изведени докази и сослушани сведоци, со цел да се утврди целосната вистина за случајот што ја вознемири јавноста.