Становите поскапеле за 25 проценти во четвртиот квартал лани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Становите поскапеле за 25 проценти во четвртиот квартал лани

07 јануари 2026

• од Станча Јаќимовски

Цените на недвижностите во земјава продолжија со силен раст и во четвртиот квартал од минатата година, покажуваат најновите податоци на Народната банка. На годишно ниво, становите и другите недвижности поскапеле за 25 проценти, додека на месечно ниво растот изнесува 3,2 проценти.

И во претходните квартали е забележан значителен пораст на цените. Во третиот квартал од минатата година растот на годишно ниво изнесувал 25,1 процент, по зголемувањето од 19,5 проценти во првиот и 19,9 проценти во вториот квартал. Овие податоци укажуваат на континуиран притисок врз пазарот на недвижности, особено во поголемите урбани средини.

Индексот на цени на недвижности што го објавува Народната банка се пресметува врз основа на податоци за огласени станови за продажба на територијата на Скопје, што значи дека трендовите најизразено се однесуваат на главниот град.

Сепак, според претставниците на градежниот сектор, во наредниот период се очекува стабилизирање на состојбата. Андреа Серафимовски од Здружението на градежништвото, индустријата на градежни материјали и неметалите при Стопанската комора на Северна Македонија за МИА изјави дека во 2025 година се стабилизирале цените на градежните материјали, што треба позитивно да влијае и врз продажните цени на становите.

Тој посочи дека очекува зголемена понуда на пазарот и израмнување на понудата со побарувачката во 2026 година. Според него, градежната активност нема да биде помала од онаа во 2025 година, особено во регионите со висока трансакциска активност, како што се Полошкиот, Пелагонискиот и Скопскиот регион.

Податоците од Државниот завод за статистика за октомври минатата година дополнително го потврдуваат зголемениот интензитет на градење. Од вкупно 446 издадени одобренија за градење, 289, односно 64,8 проценти, се однесуваат на објекти од високоградба, со предвидена изградба на 1.177 станови.

Во однос на постигнатите цени, податоците од Регистарот на цени и закупнини на Агенцијата за катастар на недвижности за третиот квартал од 2025 година покажуваат дека највисоката цена по метар квадратен достигнала 189.231 денар. Станува збор за стан со вкупна површина од 91 квадратен метар во општина Центар, продаден за вкупна сума од 280.000 евра, односно по цена од околу 3.000 евра за метар квадратен.

Овие бројки јасно укажуваат дека, и покрај очекувањата за стабилизација, пазарот на недвижности и натаму останува еден од најдинамичните сегменти на економијата.