Стадо вредно еден милион евра со години шета низ Кривопаланечко

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Стадо вредно еден милион евра со години шета низ Кривопаланечко – државата без решение

15 декември 2025

• од Станча Јаќимовски

Долгогодишниот проблем со стадото од речиси 600 крави, кое слободно се движи низ кривопаланечкиот регион, последниве денови прерасна во сериозна безбедносна и институционална криза. Станува збор за добиток чија пазарна вредност се проценува на околу еден милион евра, а кој со години предизвикува штети на земјоделските површини, загрозува безбедност на граѓаните и сообраќајот и отвора сериозни прашања за (не)постапувањето на надлежните институции.

Кулминацијата на проблемот се случи во селото Добровница, каде што по уништувањето на земјоделски посеви од страна на кравите, дел од локалните земјоделци, во обид да спречат понатамошна штета, ги затвориле животните во свои штали. Овој потег предизвика реакција од сопствениците на добитокот, кои дошле да ги ослободат врзаните крави, тврдејќи дека биле нехумано третирани и оставени без храна и вода.

Обидот за ослободување на животните заврши со жесток вербален и физички конфликт, во кој имало и тепачки, а дел од инцидентите беа документирани и споделени на социјалните мрежи. Видеата со врзани крави, физички пресметки и апсење на сопственикот на дел од стадото дополнително ја вознемирија јавноста и го актуелизираа прашањето зошто државата со години не наоѓа трајно решение.

Реакции има од сите страни – од исплашени жители, револтирани земјоделци, па сè до сопствениците на добитокот. Проблемот е пријавуван кај градоначалникот на Крива Паланка, како и кај Агенцијата за храна и ветеринарство, која уште пред година и пол донела правосилно решение за одземање на кравите поради негрижа. Со тоа, добитокот практично преминал во државна сопственост, што значи дека државата има обврска да го заштити и згрижи.

И покрај тоа, кравите и понатаму слободно се движат по населени места, ниви, приватни дворови и по магистралниот пат кон Бугарија, со што директно се загрозува безбедноста на граѓаните и учесниците во сообраќајот. Дополнително, поради недостиг од храна на пасиштата и отсуство на соодветна грижа, постои ризик и по здравјето и благосостојбата на самите животни.

Во јавноста веќе се појавија предлози за прогласување кризна состојба, па дури и за ангажирање на Армијата, која со својата механизација и логистика би можела да помогне во безбедно отстранување и транспортирање на добитокот. За проблемот, според информациите, биле известени и странските амбасади, што дополнително го нагласува институционалниот срам што една ваква ситуација завршува на насловните страници.

Сепак, и покрај сериозноста на состојбата, системот повторно потфрла. Нема трајно решение, а секое ново одолжување ја зголемува опасноста – и за здравјето и безбедноста на стадото, и за животот и имотот на граѓаните во регионот. Кривопаланечкиот случај со 600-те крави сè појасно станува симбол на институционална нефункционалност, во која проблемот е познат, документиран и пријавуван, но останува нерешен.