Срам и очај: 88-годишна жена ги остави последните пари во канта за ѓубре по наредба на измамници“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Срам и очај: 88-годишна жена ги остави последните пари во канта за ѓубре по наредба на измамници“

30 август 2025

• од Станча Јаќимовски

Македонија повторно сведочи на шокантен случај кој ја разнишува довербата во општеството и ја открива беспомошноста на најранливите категории.

Во Велес, 88-годишна старица доживеа кошмар кој нема да се избрише до крајот на нејзиниот живот. Со лажна приказна за наводна сообраќајка, непознати измамници успеале да и’ изнудат 2.700 евра – единствената заштеда која ја чувала како сигурност за својата старост.

Лажна трагедија за да се украде достоинството

Сѐ започнало на 27 август оваа година кога измамник со ладнокрвен глас ја уверил дека нејзината ќерка прегазила дете и дека ѝ се заканува долга затворска казна. Паниката, стравот и очајот ја натерале 88-годишната жена да поверува во измислената приказна. Со последните сили собрала 2.700 евра и според дадените инструкции, ги оставила во кеса во канта за отпадоци пред скопската болница „Св. Наум Охридски“.

Додека измамниците броеле пари, таа со солзи во очите се вратила назад во Велес – верувајќи дека ја спасила својата ќерка.

Македонската реалност: држава на измамници и беспомошни граѓани

Овој потресен случај е само уште еден доказ дека во Македонија, животот на старите луѓе секојдневно е изложен на терор. Државата очигледно нема сила, ниту механизми да ги заштити своите најслаби. Пензионерите, кои цел живот чесно работеле и создавале, денес се оставени на милост и немилост на криминалци што ја користат нивната доверливост, наивност и страв.

Апел кој останува без одговор

Иако од МВР велат дека „се преземаат мерки за расчистување на случајот“, искуството покажува дека ретко кој од овие бездушни измамници завршува зад решетки. За старите граѓани ова не е утеха, туку уште еден доказ дека се сами и незаштитени.

Граѓаните на Македонија денес се прашуваат: ако 88-годишна жена може да биде измамена на ваков начин, кој е следниот? Колкумина ќе мора да ја искусат истата судбина пред државата да се разбуди и конечно да стави крај на оваа спирала на очај и понижување?