Собранието го усвои законскиот пакет за целосна примена на системот „Безбеден град“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Собранието го усвои законскиот пакет за целосна примена на системот „Безбеден град“

18 декември 2025

• од Станча Јаќимовски

Собранието на Република Северна Македонија попладнево со 65 гласа „за“ и без ниту еден глас „против“ или „воздржан“ ги усвои предлог-законите за измени и дополнувања на повеќе клучни закони, неопходни за целосно функционирање на системот „Безбеден град“. Законите беа донесени по скратена постапка.

Станува збор за измени и дополнувања на Законот за извршување на санкциите, Законот за полиција, Законот за возила и Законот за безбедност на сообраќајот на патиштата. Овој законски пакет претставува основа за целосна имплементација на системот „Безбеден град“, кој има за цел унапредување на сообраќајната безбедност и поефикасно санкционирање на прекршоците.

Претходно во текот на денот, Собраниската комисија за одбрана и безбедност ги разгледа и ги проследи измените на Законот за полиција, како и измените и дополнувањата на Законот за безбедност на сообраќајот на патиштата, со што се отвори патот за нивно усвојување на пленарна седница.

Како што беше најавено од надлежните институции, од 1 февруари ќе започне и практичната примена на системот, односно казнувањето за сообраќајните прекршоци регистрирани преку „Безбеден град“.

Во рамки на подготовките за стартот на системот, Министерството за внатрешни работи отвори и посебен шалтер наменет за „Безбеден град“, каде што граѓаните ќе можат да ги ажурираат своите контакт информации. Оваа мерка има за цел да обезбеди навремено и точно информирање на учесниците во сообраќајот во врска со евентуални прекршоци.

Со усвојувањето на овој законски пакет, институциите очекуваат значително подобрување на сообраќајната дисциплина и зголемување на безбедноста на патиштата.