Скопје, Софија, Рим, Тирана и Букурешт со заедничка порака: Коридорот 8 е приоритет

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Скопје, Софија, Рим, Тирана и Букурешт со заедничка порака: Коридорот 8 е приоритет

18 февруари 2026

• од Станча Јаќимовски

Албанија, Италија, Бугарија, Северна Македонија и Романија направија нов чекор кон зајакнување на регионалната поврзаност, откако во Тирана потпишаа заедничка декларација со која Коридорот 8 се дефинира како стратешка оска за транспорт, економски развој и безбедност.

Со документот, петте земји ја потврдија политичката волја Коридорот 8 да се трансформира во целосно функционална артерија на Трансевропската транспортна мрежа (TEN-T), со директно значење за постепената интеграција на Западен Балкан во Европската унија.

Според потписниците, коридорот што ги поврзува Јадранското и Црното Море има повеќеслојно значење — политичко, економско и безбедносно — и претставува важен инструмент за европската кохезија и регионалната стабилност. Во декларацијата се нагласува дека координираната реализација на проектот може да ги надмине долгогодишните инфраструктурни празнини во Југоисточна Европа и да ја засили видливоста на ангажманот на ЕУ во регионот.

Фокус и на безбедноста

Значаен дел од документот е посветен на безбедносната димензија и воената мобилност. Земјите се обврзаа да го третираат Коридорот 8 како приоритет во рамки на засилената соработка меѓу ЕУ и НАТО, со цел директно зајакнување на безбедноста на југоисточното и источното крило на Алијансата.

Во таа насока, беше потсетено и на Писмото за намери потпишано на Самитот во Вашингтон во 2024 година, кое предвидува воспоставување хармонизиран коридор за воена мобилност долж Паневропскиот коридор 8.

Инфраструктура како двигател на економијата

На економски план, потписничките оценија дека инвестициите во одржлива, отпорна на кризи и интероперабилна инфраструктура се клучни за постепено вклучување на регионот во Единствениот пазар на ЕУ. Тие повикаа на мобилизација на финансиски средства преку европските инструменти, меѓу кои Connecting Europe Facility (CEF), ИПА III и Инвестициската рамка за Западен Балкан (WBIF).

Во декларацијата се осудува и руската агресија врз Украина, при што петте држави ја потврдуваат поддршката за меѓународните напори за постигнување траен мир.

Постојана политичка платформа

Како дел од идните чекори, земјите се договорија петпартискиот формат да се консолидира во постојана политичка платформа што ќе го забрза спроведувањето на Коридорот 8 и ќе го задржи високо на националните и европските агенди.

Аналитичарите оценуваат дека ваквиот координиран пристап може значително да го скрати времето за реализација на проектот, кој со години се соочува со инфраструктурни, финансиски и политички предизвици.