20 јануари 2026
• од Гоце Кически
Второто полугодие во основните и средните училишта во Штип започна со сериозен пад на бројот на ученици, што уште еднаш го отвора прашањето за континуираното иселување и нестабилноста во образовниот систем на локално ниво. Според официјалните податоци од Општина Штип, во споредба со првото полугодие, бројот на ученици е намален за околу педесет.
Иако надлежните информираат дека се запишани и пет ученици повратници од странство, оваа бројка е занемарлива во однос на вкупниот пад. Станува збор за четири основци и еден средношколец, чии семејства претходно живееле во Холандија, Англија и Германија. Дел од нив се запишани во основните училишта „Димитар Влахов“, „Тошо Арсов“ и „Ванчо Прќе“.
Раководителката на Секторот за образование, ЛЕР и јавни дејности во Општина Штип, Снежана Санева, потврди дека и покрај овие поединечни враќања, негативниот тренд продолжува.
„Некаде за педесеттина ученици се намали бројот, а имаме само пет новозапишани. Ова јасно покажува дека одливот на ученици е далеку поголем од приливот“, изјави Санева.
Дополнителен проблем претставува и процесот на интеграција на учениците кои доаѓаат од странство. Иако, според надлежните, тие генерално добро го владеат мајчиниот јазик, сепак мора да поминат задолжително тестирање за да се утврди нивото на знаење и соодветното одделение. Тоа, пак, бара дополнителен ангажман од наставниот кадар, кој и онака работи во услови на намален број ученици и зголемени предизвици.
„Законот налага проверка на знаењето, а често станува збор за деца кои веќе биле дел од нашиот образовен систем, па се иселиле и повторно се вратиле по една или две години“, појасни Санева.
Покрај демографските проблеми, училиштата во Штип се соочуваат и со здравствени ризици. Од Општината информираат дека внимателно се следи состојбата со грипот, при што се апелира учениците со симптоми да останат дома. И ова дополнително влијае на редовноста на наставниот процес.
Ненадминливи Понуди Дневно
4.8 (10276 рецензии)
Заштедете 152.00 ден

