Шок за џебот: Поскапувања до 20% по укинувањето на владините мерки

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шок за џебот: Поскапувања до 20% по укинувањето на владините мерки

10 мај 2025

• од Вардарски

По укинувањето на владините мерки за замрзнати цени, граѓаните се соочуваат со неочекуван удар врз семејниот буџет. Основните прехранбени производи како месо, млеко, сирење, ориз и кафе, но и хигиенските производи и овошјето, во само неколку дена поскапеа за 10 до 20 проценти. Најдраматичен пример се цените на овошјето: црешите достигнаа рекордна цена од 1.359 денари за килограм, а лубеницата – 219 денари.

Сојузот на синдикатите реагираше веднаш, алармирајќи дека синдикалната кошница, која го мери минималниот трошок за живот на едно семејство, е поскапена за околу 1.000 денари за само неколку дена. Од таму побараа итно зголемување на платите и нов сет мерки од Владата за да се заштити животниот стандард на граѓаните.

Министерот за економија, Бесар Дурмиши, најави дека ќе се преземат поостри мерки доколку инспекциските контроли утврдат дека растот на цените ја надминал границата од 15-20%. Државниот пазарен инспекторат веќе работи на собирање податоци кои ќе го дефинираат понатамошниот пристап на Владата.

Додека јавноста со нетрпение ја очекува новата пресметка на синдикалната кошница, која отсега ќе се калкулира за тричлено домаќинство, граѓаните веќе се чувствуваат под притисок. За многумина, прашањето не е дали, туку кога Владата ќе реагира за да го спречи натамошното влошување на стандардот.