Шестчасовна блокада на граничниот премин Евзони од 17 часот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шестчасовна блокада на граничниот премин Евзони од 17 часот

09 јануари 2026

• од Станча Јаќимовски

Од 17 часот по македонско време (18 часот по локално време), грчките земјоделци и денеска ќе го блокираат граничниот премин Евзони кон Северна Македонија, јавува дописничката на МИА од Атина.

Блокадата ќе трае шест часа, односно до полноќ по грчко време (23 часот по македонско), и ќе се однесува на сите видови возила – товарни, патнички автомобили и автобуси, со целосна забрана за влез и излез од Грција преку овој граничен премин.

Истиот граничен премин беше блокиран и вчера попладне во истиот временски период. Во однос на плановите за наредните денови, според информациите на МИА, земјоделците и понатаму ќе ги носат одлуките во последен момент, особено по најавата дека во вторник се подготвени за средба со грчкиот премиер.

Дополнително, на граничниот премин Ники (Меџитлија), како што информира АМСМ, на сила е забрана за движење на товарни возила, која ќе трае до утре до 10 часот.

Вчера претпладне земјоделците низ цела Грција ја започнаа најавената 48-часовна блокада на патиштата. По новата покана за дијалог упатена од владата, дел од блокадите на споредните патишта беа повлечени, но тракторите и натаму остануваат паркирани на автопатиштата.

Портпаролот на грчката влада, Павлос Маринакис, упати покана земјоделците во вторник да се сретнат со премиерот Кирјакос Мицотакис, под два услови: земјоделската делегација да ги претставува сите блокади и средбата да се одржи со отворени патишта.

Земјоделците ја прифатија поканата и најавија дека утре напладне ќе одржат координативен состанок со претставници од сите блокови, на кој ќе ја утврдат делегацијата за средбата во Атина, како и темите и барањата што ќе ги изнесат.

Грчката влада веќе ги објасни мерките за поддршка на земјоделците, но официјалниот став останува дека нема простор за дополнителни отстапки.

Протестите на земјоделците во Грција започнаа на 30 ноември и траат повеќе од 40 дена, со секојдневни блокади на повеќе патни правци низ целата земја.