Се проверува одговорноста за дозволата за складиште за отпад во Трубарево

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Се проверува одговорноста за дозволата за складиште за отпад во Трубарево

15 септември 2025

• од Станча Јаќимовски

Основното јавно обвинителство потврди дека се испитува потенцијалната одговорност и на други лица во врска со големиот пожар што избувна во складиштето за отпад во Трубарево, лоцирано во среде населено место.

Дозволата за работење на складиштето ја издава Министерството за животна средина, а документацијата поврзана со компанијата се наоѓа во просториите на институцијата.

„Се испитува потенцијална одговорност и на други лица. Во врска со документацијата и дозволите, издадени се повеќе наредби по кои МВР сè уште постапува“, соопштија од Обвинителството.

Дозвола од 10 години

Познато е дека компанијата имала 10-годишна дозвола издадена во 2021 година, во времето кога министер за животна средина беше Насер Нуредини од ДУИ. Складиштето продолжило да работи и во мандатите на неговите наследници – Каја Шукова и Изет Меџити.

Засега останува нејасно дали надлежните институции вршеле редовни контроли за почитување на условите предвидени со дозволата.

Проверки за количината на отпад

На прашањето дали се испитува колкава количина отпад се чувала во магацинот на фирмата „Ф-групација“, од Обвинителството одговорија дека „се преземаат дејствија за проверки“.

Со тоа останува отворено прашањето дали складиштето поседувало отпад во рамките на дозволените параметри и дали институциите навремено и соодветно го следеле неговото работење