СДСМ: Власта ја елиминираше Ристовска за да постави обвинител под контрола на Мицкоски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Власта ја елиминираше Ристовска за да постави обвинител под контрола на Мицкоски

03 април 2026

• од Станча Јаќимовски

Ленче Ристовска е елиминирана затоа што на власта ѝ беше потребен обвинител под нејзина контрола, истакна портпаролката и член на Извршниот одбор на СДСМ, Богданка Кузеска.

На денешната прес-конференција пред Јавното обвинителство, Кузеска посочи дека новиот јавен обвинител, Ненад Савески, ги исполнува задачите делегирани од Христијан Мицкоски, а една од нив, како што рече, е токму елиминирањето на Ленче Ристовска.

„Ја елиминираа Ленче Ристовска, независен и признат професионалец, која соработуваше и со Eurojust, и беше принудена да си замине. Претходно ја отфрлија нејзината претставка за политички притисок од страна на Мицкоски, кој јавно на телевизија ја навредуваше, а потоа и ја отстранија“, рече Кузеска.

Таа додаде дека и одземањето на предметите „Талир 1“ и „Талир 2“ од Ристовска е уште еден доказ дека новиот обвинител постапува по политички нарачки.

„Савески ѝ ги одзеде предметите ‘Талир 1’ и ‘Талир 2’, кои се однесуваат на нелегално партиско финансирање и незаконски стекнат имот. Станува збор за класична операција, по нарачка на Мицкоски, за спас на криминалниот имот на ВМРО-ОКГ. Ете зошто на власта ѝ требаше обвинител под нејзина контрола – за заштита на криминалот во врвот на власта“, нагласи Кузеска.

Според неа, правдата во Македонија е целосно погребана. Таа посочи дека ова не е изолиран случај, туку дел од поширок модел на, како што рече, елиминирање на обвинители кои воделе предмети против лица блиски до власта и нивна замена со партиски подобни кадри.

„Наместо независно судство и обвинителство, денес имаме целосно партизирани институции под контрола на Мицкоски и ВМРО-ОКГ“, заклучи Кузеска.