СДСМ: Со Мицкоски Македонија се оттурнува од ЕУ, загрозени се националните интереси

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Со Мицкоски Македонија се оттурнува од ЕУ, загрозени се националните интереси

30 март 2026

• од Станча Јаќимовски

СДСМ обвинува дека лидерот на ВМРО-ДПМНЕ, Христијан Мицкоски, со своите ставови директно го блокира европскиот пат на државата и ја води кон изолација.

Од партијата посочуваат дека изјавата на Мицкоски – дека „се подготвени да чекаат и децении без уставни измени“ – претставува, како што велат, најсилно признание досега дека со неговото раководство државата нема перспектива за членство во Европска Унија.

Според СДСМ, ваквата политика значи долгорочни последици за граѓаните: продлабочување на сиромаштијата, зголемено иселување на младите, како и раст на криминалот и корупцијата. Тие тврдат дека додека граѓаните се соочуваат со ниски плати и високи цени, дел од политичките елити, предводени од Мицкоски, живеат луксузно и управуваат со бизнис-структури поврзани со јавни тендери.

Партијата дополнително обвинува дека коалицијата на ВМРО-ДПМНЕ има за цел распределба на „криминални тендери“, наместо решавање на реалните проблеми на граѓаните. Во соопштението се наведува дека Мицкоски дал нереални ветувања во минатото – за враќање на името и за подобра преговарачка рамка – кои не ги исполнил.

СДСМ заклучува дека, според нивната оценка, актуелната политика на ВМРО-ДПМНЕ ја става државата „на колена“ и претставува отстапување од националните интереси, особено во контекст на евроинтеграциите.