СДСМ: Намерите на Мицкоски за данок на немажени се откриени, доцна е за правдања

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Намерите на Мицкоски за данок на немажени се откриени, доцна е за правдања

07 јули 2025

• од Станча Јаќимовски

По јавните реакции за идејата за воведување данок за немажени и неженети лица, Социјалдемократскиот сојуз на Македонија (СДСМ) обвини дека лидерот на ВМРО-ДПМНЕ, Христијан Мицкоски, веќе јасно ги открил своите намери, а неговите обиди за правдање се задоцнети и неискрени.

Од СДСМ преку соопштение порачаа дека Мицкоски најпрво отворено зборувал за можноста за таков данок, а дури откако увидел силен отпор од јавноста се обидел да ја смени изјавата. „Вистината е дека тој навистина би го вовел ваквиот данок и таа желба јасно ја кажа“, наведуваат од партијата.

Според СДСМ, ваквиот потег покажува дека на Мицкоски приоритет му се нови давачки за граѓаните и ограничување на нивните права, со цел полнење на буџетот. Во реакцијата се додава дека ова не е изолиран случај, туку дел од пошироки политики кои, според нив, го откриваат неговиот „авторитарен карактер“.

„Прашање е само на време кога Мицкоски ќе воведе нови давачки, додека тој и неговите блиски ќе продолжат да уживаат во луксуз и привилегии“, стои во соопштението.

СДСМ го повика граѓаните да не се залажуваат од, како што велат, обидите за манипулација преку доцни извинувања и правдања. „Мицкоски е одамна прочитан како буквар, а неговите авторитарни тенденции се видливи во секоја негова изјава“, порачаа од владејачката партија.