СДСМ: Над 200.000 работници едвај ги покриваат основните животни трошоци, платите мора да се зголемат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Над 200.000 работници едвај ги покриваат основните животни трошоци, платите мора да се зголемат

14 март 2026

• од Вардарски

Опозициската партија СДСМ обвини дека платите во Македонија се ниски, додека цените на основните производи и енергенсите постојано растат. Според партијата, Владата предводена од премиерот Христијан Мицкоски не презема доволно мерки за подобрување на животниот стандард на граѓаните.

Од СДСМ посочуваат дека повеќе од 200.000 работници во државата едвај ги покриваат основните трошоци за живот.

„Работниците во Македонија едвај врзуваат крај со крај. Над 200.000 работници преживуваат со плати кои не можат да ги покријат ниту основните животни потреби“, се наведува во реакцијата на партијата.

Партијата ја критикува Владата и поради одбивањето да се зголеми минималната плата на 600 евра. Според нив, наместо поддршка за работниците, премиерот навредува граѓани кои бараат повисоки приходи.

Според СДСМ, Мицкоски изјавил дека платите во јавната администрација се добри „ако се земе предвид колку работат“, како и дека тие немаат потреба од годишен одмор. Од партијата велат дека ваквите изјави претставуваат потценување на трудот на работниците.

Воедно, СДСМ нагласува дека растот на цените на нафтата дополнително ги зголемува цените на храната и основните производи.

Од партијата предупредуваат дека со ваквото темпо на поскапувања, платите секојдневно ја губат својата вредност и додаваат дека економијата не може да се смета за силна доколку платите на работниците останат ниски.