СДСМ: Мицкоски конечно призна дека државата доцни со поврат на ДДВ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Мицкоски конечно призна дека државата доцни со поврат на ДДВ

15 јули 2025

• од Станча Јаќимовски

Опозициската партија СДСМ остро реагира на изјавата на премиерот Христијан Мицкоски, во која тој признава дека државата доцни со повратот на данокот на додадена вредност (ДДВ) кон фирмите и граѓаните. Според СДСМ, ова е потврда за нефункционалноста на институциите и партизацијата на државниот апарат.

„Наместо да ја заврши работата преку институциите, Мицкоски им порача на фирмите кои чекаат со месеци да му се јават нему лично. Ова е срамен обид за замена на системски решенија со лична комуникација преку партиски телефон“, се наведува во реакцијата на партијата.

Од СДСМ велат дека со оваа порака Мицкоски демонстрира дека државата е претворена во продолжена рака на ВМРО-ДПМНЕ, каде институциите не функционираат според закон, туку според партиска волја.

„Ова не е приватна фирма на Мицкоски, туку држава со закони и институции кои треба да служат на сите граѓани, а не на партиската пропаганда“, нагласуваат од СДСМ.

Покрај критиките за доцнењето со повратот на ДДВ, од партијата го обвинија премиерот за негрижа и игнорирање на реалните економски проблеми со кои се соочуваат фирмите.

„Додека компаниите се борат да опстанат и да исплатат плати, Мицкоски шета по автопати и тврди дека 'немало проблем'. Најмалку што може да направи е да ги забрза исплатите и да се извини на сите на кои државата им должи пари“, стои во соопштението.

СДСМ заклучува дека граѓаните и фирмите не му должат ништо на премиерот, туку тој има обврска да им обезбеди функционална и ефикасна државна администрација која навремено ќе ги исполни своите законски обврски.