СДСМ до ВМРО-ДПМНЕ: Свесни сте за огромниот пад на поддршката за вашата Влада

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ до ВМРО-ДПМНЕ: Свесни сте за огромниот пад на поддршката за вашата Влада

20 октомври 2025

• од Станча Јаќимовски

Со реакција на последните изборни резултати, Социјалдемократскиот сојуз на Македонија (СДСМ) порача до владејачката ВМРО-ДПМНЕ дека бројките јасно покажуваат пад на нивната поддршка и дека амбиентот на политичката сцена се менува.

Во соопштението од СДСМ се наведува дека, иако резултатите не се посакувани за оваа партија, сепак се бележи стабилизација и раст во повеќе општини.
„Вкупниот број гласови покажува дека СДСМ ја намалува разликата во однос на ВМРО-ДПМНЕ, ја зголемува предноста во однос на ЗНАМ и ја задржува стабилната предност пред Левица. Ова јасно укажува дека вкупниот амбиент се менува“, стои во партиското соопштение.

„ВМРО-ДПМНЕ изгуби 140.000 гласа“

Од СДСМ посочуваат дека ВМРО-ДПМНЕ безуспешно се обидува да прикаже „огромен триумф“, додека, според нив, бројките откриваат спротивното.
„И покрај сите притисоци, уцени, поткуп и злоупотреба на сите полуги на власта, ВМРО-ДПМНЕ изгуби речиси 140.000 гласа од минатогодишните избори. Со тоа партијата падна дури и под резултатот од 2021 година. Заедно со ЗНАМ, владејачките партии изгубија над 155.000 гласови“, се вели во реакцијата.

Подготовка за вториот круг

СДСМ најавува дека ќе продолжи со активности за консолидација на партијата и борба за победа во повеќе општини во вториот круг.
„Имаме солидни резултати во повеќе општини, но и места каде што мора да се работи за зголемување на поддршката. На овие избори имаше низа независни кандидати и листи кои, пред сè, одземаа гласови од опозицијата“, наведуваат од партијата.

Според СДСМ, во вториот круг ќе се зголеми коалицискиот капацитет на опозициските партии:
„Коалицијата на СДСМ со граѓаните и со другите партии од опозицијата допрва ќе расте.“

Порака до владејачката партија

Од СДСМ упатија порака до ВМРО-ДПМНЕ да се соочи со реалноста наместо, како што велат, „да бара оставки и да се занимава со СДСМ“.
„Нека се соочат со фактот дека нивните политики во изминатата година се катастрофални, а падот на гласови се должи токму на тоа“, додаваат од опозициската партија.

Повик за поддршка

На крајот, СДСМ најавува продолжување на кампањата и упатува повик до своите членови и гласачи на други опозициски кандидати:
„Ги повикуваме сите наши членови и граѓаните кои гласаа за други кандидати што не влегоа во вториот круг, масовно да ја дадат поддршката за нашите кандидати.“