СДСМ: 95.000 хектари под пепел, ВМРО-ДПМНЕ ја претвори Македонија во огнен пекол

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: 95.000 хектари под пепел, ВМРО-ДПМНЕ ја претвори Македонија во огнен пекол

31 јули 2025

• од Станча Јаќимовски

С. Македонија се соочува со една од најголемите еколошки и национални катастрофи во поновата историја, алармира СДСМ преку соопштение до јавноста. Според нив, повеќе од 20% од територијата на земјата е зафатена од пожари, што ја става Македонија на неславното прво место во Европа според изгорена површина во однос на големината на државата.

„Ова не е само статистика – ова е трагедија што ја уништува природата, економијата и иднината на генерации Македонци“, предупредуваат од СДСМ, посочувајќи ја актуелната владејачка гарнитура предводена од ВМРО-ДПМНЕ и премиерот Христијан Мицкоски како директни виновници за состојбата.

Според европските податоци, во 2024 година, откако ВМРО-ДПМНЕ дојде на власт, во земјата изгореле 95.181 хектари шуми, пасишта и природни ресурси – осум пати повеќе од просечниот обем на пожари во последните 17 години. „Ова е последица на неспособност, негрижа и целосно отсуство на систем“, велат од СДСМ.

Тие потсетуваат дека Мицкоски ветуваше подготвеност, координација, нова опрема и ангажирање на повеќе пожарникари. Но, според СДСМ, ниту едно од тие ветувања не е исполнето: „Нема организација, нема систем, нема опрема – нема ништо.“

„Ова е пустош што ќе остави траги со децении. Илјадници хектари дрвја и зелена површина се уништени, а еколошката штета е долгорочна и непоправлива“, стои во соопштението. СДСМ бара одговорност: „Кој во власта ќе одговара за катастрофата? Кој ќе понесе одговорност за оваа негрижа што ја уништи природата на Македонија?“

Партијата повикува на итна реакција, темелна истрага и политичка, но и кривична одговорност за, како што велат, најголемата огнена трагедија во историјата на земјата.