Сцени како од филм – затвореници од Скопје во брутална тепачка во затворот Идризово
Ново нарушување на редот во најголемиот затвор во земјава – во Казнено-поправната установа „Идризово“ вчера попладне избувнала тепачка меѓу двајца осуденици од Скопје, при што еден од нив потегнал и остар предмет.
Инцидентот се случил околу 15:20 часот, а полицијата била известена нешто подоцна, околу 18:00 часот. Според информации од СВР Скопје, се работи за физичка пресметка меѓу 30-годишниот Е.Д. и 29-годишниот Н.Н., при што Е.Д. употребил нож или сличен остар предмет.
Причините за расправијата засега не се познати, а надлежните органи преземаат мерки за целосно расчистување на случајот. Не е соопштено дали некој од осудениците е потешко повреден, ниту дали се интервенирало со итна медицинска помош.
Овој настан повторно го става фокусот на безбедноста во македонските казнено-поправни установи, особено во „Идризово“, кој и претходно бил цел на критики поради пренатрупаност, недоволна контрола и честа појава на насилство меѓу затворениците.
Очекуваме повеќе информации од истрагата која е во тек.