Реакција на семејството за случајот со 15-годишникот од Тетово: „Се работи за шега на Инстаграм“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Реакција на семејството за случајот со 15-годишникот од Тетово: „Се работи за шега на Инстаграм“

16 март 2026

• од Станча Јаќимовски

Чувствителен случај што вклучува малолетник од околината на Тетово предизвика силни реакции од неговото семејство, откако полициските власти соопштија дека 15-годишник бил повикан на информативен разговор под сомнение за закани со бомба и напад врз средно училиште.

По објавувањето на информацијата, преку реакција на својот профил на Фејсбук се огласи Лулзана Мурати, тетка на 15-годишникот и правничка со повеќе од 20 години искуство во областа на заштита на човековите права во институцијата Народен правобранител. Таа ги отфрли тврдењата дека станува збор за закани, нагласувајќи дека се работи за фотографија која малолетникот ја објавил на својот приватен профил на Инстаграм.

Според неа, фотографијата била објавена „на шега“ и била видлива само за тесен круг на негови пријатели.

„Ова е во нашиот дом. Овие оружја се легални и никогаш не биле употребени за каква било закана. Станува збор за фотографија објавена како шега од едно малолетно дете на неговиот приватен профил на Инстаграм, каде што имал само свои најблиски пријатели“, се наведува во реакцијата.

Мурати изрази загриженост дека начинот на кој се третира случајот може да го наруши принципот на презумпција на невиност, како и правата на малолетниците.

„Јасно е дека е прекршен принципот на презумпција на невиност. Само судот може да утврди дали постои или не постои кривично дело. До донесување судска одлука, ниту една институција нема право да создава јавна перцепција дека вината веќе е докажана“, нагласува Мурати.

Таа додава дека случајот треба да се разгледува и во светло на принципите од Конвенцијата за правата на детето, предупредувајќи дека јавното изложување на малолетник може да има сериозни психолошки последици.

Во својата реакција, Мурати ја критикува и начинот на кој била извршена полициската претресна акција, оценувајќи ја како непропорционална.

„Ангажирањето на голем број вооружени полициски сили поради фотографија објавена од 15-годишно дете на приватен профил на социјалните мрежи е непропорционално и неприфатливо. Таквиот пристап предизвика страв и вознемиреност кај децата и членовите на семејството“, се наведува во реакцијата.

Според семејството, во претресот на нивниот дом учествувал голем број полициски службеници. Тие тврдат дека 15-годишникот е воспитан и успешен ученик, без никакви претходни прекршувања на законот.

Семејството изразува и сомнеж дека случајот може да има политичка позадина, наведувајќи дека тие се поврзани со опозициската политичка партија Демократска унија за интеграција (ДУИ), иако за ваквото тврдење досега не се презентирани јавни докази.

„Ме погодија во најслабата точка, но забораваат дека силата произлегува токму таму каде што најмногу боли“, порачува Мурати на крајот од својата реакција.